प्रेस चाैतारी अध्यक्षमा बानियाँ, शर्मा सम्मानित

प्रेस चौतारी म्याग्दीको मंगलवार सम्पन्न छैटाें जिल्ला अधिवेशनबाट प्रताप बानियाँ सर्वसम्मत दाेहाेरिएका छन ।
अधिवेशनबाट उपाध्यक्षमा उपाध्यक्ष देवी जिसी र मनु थापा, सचिवमा अमित बिश्वकर्मा, उपसचिव कृष्ण कार्की र दिपा बुढाथोकी तथा कोषाध्यक्ष किरण कार्की निर्विराेध निर्वाचित भएका छन ।
त्यसैगरी प्रेस चाैतारी म्याग्दीकाे ७ पदाधिकारी सहित ९ सदस्यीय जिल्ला समितिकाे सदस्यमा दिनेश बानियाँ, स्वइच्छा बानियाँ चयन भएका छन ।
अधिवेशनकाे प्रेस चाैतारी नेपालका केन्द्रीय अध्यक्ष माधव वस्नेतले उद्घाटन गरेका थिए ।
त्यस्तै प्रेस चौतारी म्याग्दीले म्याग्दीको पहिलो दैनिक पत्रिका रुप्से दैनिका सम्पादक प्रमोद शर्मालाई नगद पाँच हजार पाँच सय ५५ रुपियाँ सहित प्रेस चौतारी पत्रकारीता पुरस्कार प्रदान गरेको छ । प्रेस चौतारी म्याग्दीले स्थापना गरेको यो पुरस्कार यस अगाडि अमृत बास्कुने, तारानाथ शर्मा, सुरत केसी, घनश्याम खड्का, कृष्ण जिसीले प्राप्त गरी सकेका छन ।