धनेश्वरी–तारानाथ स्मृति पुरस्कार शर्मा र बानियाँलाइ, श्रेष्ठलाइ विशिष्ट कविकाे उपाधी

यस वर्षकाे धनेश्वरी–तारानाथ स्मृति पुरस्कार म्याग्दीका पत्रकार राकेश शर्मा र साहित्यकार कृष्ण बानियाँले पाएका छन । काेषले कार्यक्रममा बेनीका अजयमिलन श्रेष्ठलाइ एक लाख नगद धनराशीसहित विशिष्ठ कविकाे उपाधी प्रदान गरेकाे छ ।
शिक्षा तथा धार्मिक ब्यक्तित्व धनेश्वरी–तारानाथ रेग्मी स्मृति प्रतिष्ठानले शिक्षा, पत्रकारिता, साहित्य विधामा योगदान पु¥याउनेलाई सम्मान गर्ने उदेश्यले अक्षयकोष स्थापना गरेको थियो ।
बेनी नगरपालिका–५,पूलाचौरका माधवप्रसाद रेग्मी, दाजुहरु मुकुन्द, नारायण, स्वर्गीय मोहन र रामप्रसाद रेग्मी लगायत परिवारका सदस्यहरुले अामा धनेश्वरी र बाबा तारानाथकाे स्मृतिमा १८ लाख रुपैयाँको कोष स्थापना गरेका थिए । साेही काेषबाट हरेक वर्ष झै यस वर्षपनि काेषले म्याग्दीका एक जना पत्रकार,साहित्यकार र पाँच जना बिद्यार्थीलाई पुरस्कृत गरेको हाे ।

काेषले यस वर्ष पत्रकारिता तर्फ प्रेस युनिएनका जिल्ला अध्यक्ष तथा म्याग्दीकाली एफएमका राकेश शर्मा र साहित्य तर्फ कृष्ण बानियाँलाई दश/दश हजार, दोसल्ला, सम्मानपत्र सहित पुरस्कृत गरिएको थियो । कोषले जनकल्याण माबिबाट बिस २०८० को एसइइ परिक्षामा सर्बोत्कृष्ट नतिजा ल्याउने गुञ्जना श्रेष्ठलाई २० हजार सहित पुरस्कृत गरेको छ । तत्कालिन समयमा प.रेग्मीको घरबाट जनकल्याण प्रावि सञ्चालन भएको थियो ।