बेनीको बालमन्दीरचोकको श्रृगार गोदाममा आगोलागी

बेनी नगरपालिका, ७ बेनीको बालमन्दीर चोक स्थित एक श्रृगार पसलको गोदाममा आगोलागी भएको छ ।
नेपाल वाल संगठनको उक्त भवनमा भाडामा रहेको अन्जित खानको खान श्रृगार पसलले सोही भवनको तेस्रो तलामा राखेको गोदाममा राती ९ बजेतिरबाट आगो लागेको हो ।
आगो स्थानीयको सहयोगमा प्रहरी, शशस्त्र प्रहरीको संयुक्त प्रयासमा आगो एक घन्टापछि नियन्त्रणमा आएको थियो । स्थानीयले वाल्टीम बोकेको पानी र वारुण यत्र प्रयोग गरी आगो नियन्त्रणमा लिईएको हो ।
जिल्ला प्रहरी प्रमुख प्रहरी नायव उपरिक्षक भरत श्रेष्ठका अनुसार श्रृगार पसलको जुत्ताचप्पल समेत राखेको भवनको तेस्रो तल्लामा विधुत सर्ट भै आगोलागी भएको प्रारम्भीक अनुमान छ । क्षतिको विवरण भोली शनिवार मात्र निकाल्न सकिन्छ ।