उपल्लो मुस्ताङ्गमा पहिलाे हिमपात, काेरला नाका संञ्चालनमै

सेताम्मे हिउँले ढाकेका बालुवाका पहाड, बाटो, खेत र घरहरु । विश्व सम्पदा सूचिमा प्रस्तावित ‘माटोको शहर’ मुस्ताङ्गको उपल्लो भेग लोमन्थाङ अहिले हिउँले छोपिएको छ ।
शनिवार विहान ११ बजेदेखी उपल्लो मुस्ताङमा हिमपात सुरु भएको हो । हिमपात साँझ सम्म निरन्तर छ । हिमपातको समयमा पनि कोरला नाकाबाट मुस्ताङ्गीहरुले सीमापार चीन क्षेत्रका बजारमा पुगेर सामान ल्याएका थिए । रातभर हिमपात भएको खण्डमा आईतवारदेखी सडक अवरुद्ध हुने भएकोले लोमन्थाङ वरपरका ब्यापारी हिउँ खेप्दै कोरला नाका पुगेका हुन ।

‘शनिवार विहान ११ बजेदेखी हिमपात सुरु भै निरन्तर छ । अहिलेसम्म उस्तो बाक्लो भएको छैन, रातभर हिमपात भैरहेको खण्डमा भोलीदेखी यातायातका सवारी संञ्चालन अवरुद्ध हुन्छ’ लोमन्थाङ गाउँपाििलका, २ छोसेरका वडाध्यक्ष कर्म नाम्ग्याल गुरुङले भने, ‘भारीहिमपत भएपछि कोरलानाकामा आवतजावत गर्न संभव नहुने भएकोले आज धेरै स्थानीय उता चीनियाँ बजार गएर हिउँ कुल्चदै सामान ल्याएर आएका छन ।’
रातभर हिमपात जारी रहेको खण्डमा उपल्लो मुस्ताङ्गका लोमन्थाङ्ग, छोसेर, छोनुप, चराङ्ग, घमी लगाएतका सात वस्ती स्थलमार्गबाट विच्छेद हुन्छन । हिमपात नहुँदै बढेको अत्याधिक चिसो छल्न अधिकांश मुस्ताङ्गीहरु तल्लो बेंशीका वस्ती तथा शहर झरी सकेका छन ।