नेपाल जेसीजको राष्ट्रिय अध्यक्षमा रजनी, उपाध्यक्षमा म्याग्दीका सन्दीप खत्री निर्वाचित

नेपाल जेसीजको राष्ट्रिय अध्यक्षमा रजनी थापा र उपाध्यक्षमा गण्डकी प्रदेशबाट म्याग्दीका सन्दीप खत्री निर्वाचित भएका छन ।
इटहरीमा सम्पन्न भएको नेपाल जेसीजको ५१ औं महाधिवेशनबाट थापा निकटतम प्रतिस्पर्धी जीवन कार्कीलाई ३०९ को मतान्तरले निर्वाचित भएकी हुन् । जेसिज कार्यकारिणी उपाध्यक्षमा गणेश सापकोटा, एलिना महर्जन, कृष्ण सापकोटा र सौरभ श्रेष्ठ निर्वाचित भएका छन् ।
त्यस्तै उपाध्यक्षहरूमा सन्दीप खत्री, दीपक अधिकारी, धनराज कँडेल, सुजन थापा काजी, संगम कार्की, बबिता पाण्डे, सुमित्रा भट्टराई, अभिषेक दुलाल, उज्वल काबरा, सुवास गौतम, राघव कोइराला र मनिप्रसाद अर्याल विजयी भएका छन् ।
महाधिवेशनमा पर्यवेक्षक तथा अतिथि समेत गरी करिब ५ हजार बढीको सहभागिता रहेको जनाइएको थियो । महाधिवेशनको प्रधानमन्त्री केपी शर्मा ओलीले शनिबार उद्घाटन गरेका थिए ।