पुस २८ गतेदेखि आठौँ म्याग्दी महोत्सव हुने

आगामी पुस २८ देखि माघ ८ गतेसम्म आठौँ म्याग्दी महोत्सव तथा प्रदेशस्तरीय कृषि, पर्यटन, औद्योगिक, व्यापार मेला सञ्चालन हुने भएको छ ।
म्याग्दी उद्योग वाणिज्य सङ्घले महोत्सव गर्न लागेकाे हाे । महोत्सव प्रभावकारी संञ्चालन गर्न विभिन्न ३७ उपसमिति गठन भएके मूल आयोजक उद्योग वाणिज्य सङ्घले पत्रकार सम्मेलन गरी जानकारी दिएको हाे ।
सङ्घका अध्यक्ष सुविन श्रेष्ठका अनुसार महोत्सवमा १० करोड बराबरको कारोबार हुने र रु एक करोड २९ लाख खर्चको अनुमान गरिएको छ ।
महोत्सवमा औद्योगिक, कृषि तथा पशुजन्य उत्पादनको प्रर्दशनी, पुरुष–महिला भलिबल, बास्केटबल, विभिन्न कलाकारको प्रस्तुति रहनेछन् । पुख्र्यौली नाच, रत्यौली गीत, भजन, म्याग्दी आइडल एकल लोकनृत्य, जनजातिका झाँकी पनि प्रर्दशनी गरिने अायाेजकले बताएका छन ।
महोत्सवका अवसरमा एक लाख ५१ हजार नगद पुरस्कार राशीकाे अन्तरपालिका स्तरीय पुरुष भलिबल प्रतियोगिता, लोक दोहोरी गीत प्रतियोगिताका विजेतालाई रु एक लाख एक सय नगद पुरस्कार प्रदान गरिने जनाइएको छ ।
महोत्सव सञ्चालनबाट भएको आम्दानीबाट म्याग्दी उद्योग वाणिज्य सङ्घले स्थापना गरेको व्यवसायी हितकोषमा १० लाख, विपद् राहत कोषमा पाँच लाख जम्मा गर्ने र टिकट बिक्रीबाट हुने केही प्रतिशत रकम म्याग्दीका सामाजिक सङ्घ संस्थालाई सहयोग गरिने अध्यक्ष श्रेष्ठले बताए ।