जिल्लाका नेता पढाउँदै म्याग्दी एमाले

नेकपा एमालले म्याग्दीले जिल्ला कमिटिका सदस्यहरुलाई सामाजिक रुपान्त्रण, मार्क्सवादी विश्वदृष्टीकोण, पार्टीको नीति, कार्यक्रम र कार्यदिशा समेतका विषयमा तीन दिने प्रशिक्षण दिन थालेको छ ।
एमाले कार्यकर्तामा बैचारिक क्षमता हृास भैरहेको गुनासो विच एमालेले केन्द्रीय वैचारिक नेताहरु झिकाएर जिल्ला कमिटी र सोभन्दा माथिल्लो कमिटीका सदस्यहरुलाई वैचारिक प्रशिक्षण दिन थालेको हो ।
एमाले म्याग्दीका अध्यक्ष बालकृष्ण सुवेदीका अनुसार विहिवारको प्रशिक्षणमा एमाले उपमहाँसचिव प्रदीप ज्ञवालीले सामाजिक रुपमान्त्रण र मार्क्सवादी विश्वदृष्टिकोण, एमाले स्कुल विभागका धनन्जय दवाडीले संगठन निर्माण, ब्यवस्थापन र परिचालन, सुन्दर लामिछानेले पार्टी काममा सूचना तथा संञ्चारको महत्व, टुकराज सिग्देलले पार्टी अनुसासन र जीवनशैली विषयमा प्रशिक्षण गरेका थिए ।

त्यसैगरी शुक्रवार पार्टीको बर्तामान नीति, कार्यक्रम र कार्यदिशा विषयमा उपमहाँसचिव प्रदीप ज्ञवालीले, नेपालका राजनैतिक दलहरुको तुलनात्मक अध्ययन र राजनैतिक शक्ति सन्तुलन विषयमा किरण गुरुङले, ब्यवस्थापन, कार्यकर्ता प्रशिक्षण ब्यवस्थापन, प्रस्तुती सीप र शैलीबारे घनश्याम कोईराला, समावेशी सिद्धान्तबारे नरदेवी पुनले प्रशिक्षण दिंदैछिन ।

त्यस्तै पर्सि शनिवार नेपाली समाजको विकासक्रम र जिल्लाको सांस्कृतिक विशेषताबारे एमाले गण्डकी प्रदेश कमिटि अध्यक्ष नवराज शर्माले, जिल्लाको एमाले पार्टीको भुमिका सम्बन्धमा केन्द्रीय सदस्य भुपेन्द्र थापाले, एमाले म्याग्दीको आगामी कार्ययोजना सम्बन्धमा जिल्ला अध्यक्ष बालकृष्ण सुवेदीले प्रशिक्षण दिने र कार्यक्रममा कार्यकर्ताले उठाएका जिज्ञासामा उपमहाँसचिव ज्ञवालीले सम्बोधन गर्ने कार्यतालिका भएको एमाले म्याग्दीले जनाएको छ ।