१३ स्वर्णसहित प्रकाश माविले लगातार तेस्रो पटक चुम्यो बेनी नगर राष्ट्रपति शिल्ड

सदरमुकाम बेनीमा शनिवार सम्पन्न पाचौं बेनी नगरपालिका स्तरिय राष्ट्रपति रनिङ शिल्डलाइ बेनीको प्रकाश माध्यामिक विद्यालयले चुमेको छ ।
प्रकाश माविले लगातार तेस्रो पटक जितेर बेनी नगर स्तरिय राष्ट्रपति रनिङ शिल्ड ‘पच’ गरेको छ । प्रकाश माविले १३ स्वर्ण, १३ रजत र १ काँस्यसहित शिल्ड उचालेको हो ।
बेनीको संस्थागत विद्यालय न्यू वेष्ट पोईन्टले १३ स्वर्ण, ६ रजत र १४ कास्यसहित दोस्रो भएको छ ।

त्यसैगरी अर्को संस्थागत विद्यालय माउण्ट एभरेष्ट आवसिय माविले ५ स्वर्ण, २ रजत र ९ काँस्यसहित तेस्रो स्थानमा चित्त बुझाएको छ ।

प्रतियोगितामा पहिलो, दोस्रो र तेस्रो हुने विद्यालयले क्रमशः ५१, ४० र ३० हजार नगदसहित ट्रफि, मेडल र प्रमाण पत्र हात पारेका छन । पालिका भरीका सामुदायीक र संस्थागत गरी २६ विद्यालयले ६६ इभेन्टमा प्रतिस्पर्धा गरेका थिए ।