- Loading...
राखुकाेटभगवतीमा चार लाख ७१ हजार रुपैयाँ तिरेर भण्डारीले छिनाए सरकारी राँगो
- घनश्याम खड्का
- ५ महिना अघि
- २४६ पटक पढिएको

रघुगंगा गाउँपालिका, २ स्थित प्रशिद्ध भगवतीकोट मन्दीरमा वली चढाईएको सरकारी राँगोलाई स्थानीय सोवित भण्डारीले चार लाख ५१ हजार शुल्क तिरेर छिनाएका छन ।
नवदुर्गा भगवती मन्दीर शक्तिपीठमा पशु वली दिने हिन्दु धार्मिक परम्परा अनुसार भगवतीकोट मन्दीरमा वली चढाईएको सरकारी राँगो मार हान्न (काट्न) रघुगंगा गाउँपालिका, ३ कलेजावाङका सोवित भण्डारीले चार लाख ७१ हजार रुपैयाँ वोलकवोल गरेका थिए ।
एकै प्रहारमा एक बर्षे राँगो छिनाएपछि भण्डारीलाई स्थानीयले अविरजात्रा, वाजागाजासहित हर्सोल्लाससहित खुसीयाली मनाएका छन । नवदुर्गालाई वली चढाईने राँगो मार हान्न रघुगंगा गापाा, २ कटुवालटोलका रमेश कटुवालले चार लाख ५० रुपैयाँ बोलेर पछ्याएका थिए ।
‘राखुभगवती मन्दीरमा दुर्गाभगवतीलाई चढाईने वली काटेपछि मनले आँटेको पुग्छ भन्ने जनविश्वास भएकोले दुर्गाभगवतीलाई वली चढाईने राँगो मार हान्न ठूलो हानथाप नै हुन्छ’ रघुगंगा गापा, २ का वडाध्यक्ष अमृत भण्डारीले भने, ‘बाईसे/चौविसे राज्यकालदेखी यहाँको कोटमन्दीरमा बढीबढाउ गरी राँगो हान्ने (काट्ने) चलन छ ।’
भगवतीकोट मन्दीर पुजा ब्यवस्थापन समितिले सरकारी राँगोको मुल्य ५० हजार रुपैयाँ तोकेको थियो । कालरात्रीको राती १२ बजे भगवती मन्दीरमा ‘निमको पाठो’ वली दिन त्यसक्षेत्रका हजारौं सर्वसाधारण कोटमन्दीरमा भेला हुने प्रचलन छ ।
जिल्लामा ‘धजाअक्षेता’ शिर्षकमा सरकारी खर्च आउने यो एक मात्र कोटमन्दीर हो । गुठी संस्थानले मालपोत कार्यालय मार्फत हरेक बर्षको दशैंमा ‘धजाअक्षेता’ खर्च पठाउने गरेको छ ।
कोटमन्दीरमा कालरात्रीको दिन नीमको पाठो वली चढाउनु पुर्व खुल्ला रुपमा ‘सरकारी राँगो मार हान्न’ बढीबढाउ गरिन्छ । राखुभगवती कोट मन्दीरमा निर्धारित १ घन्टाको समयावधीमा बढीबढाउ क्रम चल्छ । मार हान्न इच्छुहले समितिमा नाम लेखाउनु पर्छ । सोही अनुसार सूचिकृत भएका ब्यक्तिहरुले पालोपालो रकम बोलकवोल गर्ने र जस्ले धेरै रकम बोल्छ उसैले राँको काट्न दिने गरिन्छ ।
त्यसस्तै सरकारी राँगो मार हान्न उत्तरी क्षेत्रको अन्नपूर्ण गाउँपालिका, ६ घार, बेनी नगरपालिका, २ गौस्वारा र धवलागिरी गाउँपालिका, ७ स्थित ताकम कोट मन्दीरमा पनि वोलकवोल गर्ने गरिन्छ । तर यहाँको मन्दीरमा राखु भगवती मन्दीरमा जस्तो महंगो मुल्य तोक्ने गरिन्न ।

फाेटाे, भिडियाे र टिकटक खिच्न रत्नेचौरमा भीड

कुकुरको भरमा दरवार

विभिन्न अवस्थाकाे फुच्चे गुराँस तस्विरमा हेराैं

खयर समेत म्याग्दीका वराही शक्तिपीठमा भक्तजनको भीड

वराह/वराही क्षेत्रका चरनखर्कमा भेडा ब्यापारकाे राैनक

हिमालमुनी मुस्कुराएकाे मनसुन सौन्दर्य

म्याग्दीखाेलामा ‘भू–तापीय पानीकाे’ अर्थतन्त्र

यसरी पग्लदैछ धौलागिरी ग्लेसियर, अनि पञ्चकुण्ड हिमताल

धौलागिरी फेदीका वनमा पनि भेटियाे नेपाली फुच्चे गुराँस

हिमाली जंगल निलाे गुराँसले रंगियाे

बेनीकाे लभ्लीहिलबाट देखिने सुन्दर सूर्यास्तक
