मिलन म्याग्दीको २० औ साधारण सभा सम्पन्न

म्याग्दीमा क्रियाशिल गैहृसरकारी संस्था मिलन म्याग्दीले आफ्नो २० औं साधारण सभा सम्पन्न गरेको छ ।

सोमबार बेनीको होटल डल्फिनमा सम्पन्न साधारण सभाको गण्डकी प्रदेश सभा सदस्य विमला गौचनले उद्घाटन गरिन । सभालाई जिल्ला समन्वय समितिका उपप्रमुद दिलकुमारी खत्री, अन्नपूर्ण गाउँपालिका अध्यक्ष भरत पुन, मालिका गापा अध्यक्ष बेगप्रसाद गर्वुजा, बेनी नगरपालिकाकी उपप्रमुख ज्योति लामिछाने, धवलागिरी गापाका उपप्रमुख रेशम पुन, अन्नपूर्ण गापा उपाध्यक्ष तथा मिलन म्याग्दीकी पूर्व कार्यकारी निर्देशक एवं अध्यक्ष दीवा पुन, मालिका गापाकी पूर्वउपाध्यक्ष खरमायाँ विटालु समेतले संस्थाको साधारण सभा तथा आसन्न विजया दशमीलाइ समेत जोडेर शुभकामना ब्यक्त गरे ।

सधारण सभाले संस्थाकी सचिव ज्ञानु बानियाले प्रस्तुत गरेको वार्षिक कार्यक्रम, कोषाध्यक्ष मिना राम्जालीले प्रस्तुत गरेको आर्थिक प्रतिवेदन समेत लेखापरिक्षण प्रतिवेदनलाई समेत अनुमोदन गर्दै सम्पन्न भएको मिलन म्याग्दीकी अध्यक्ष दिलु विटालुले बताईन ।