बेनीकाे कालिपुलमा पहिलो विधुतिय चार्जिङ स्टेसन संञ्चालन

पछिल्लो समय देशभर विधुतीय सवारी साधन (इलेक्ट्रिक भेहीकल–इभी) प्रयोग बढेसँगै दुर्गम म्याग्दी सदरमुकाम बेनीमा पहिलो विधुतीय सवारी चार्जिङ स्टेशन संञ्चालनमा आएको छ ।
सदरमुकाम रहेको बेनी नगरपालिका, ८ कालिपुल वसपार्कमा धौलगिरी–गण्डकी यातायात प्रालिले ११ सय भोल्ट क्षमताको विधुतीय चार्जिङ स्टेसन संञ्चालनमा ल्याएको हो । विधुत खपत बढाउन र वातावरणमैत्री यातायात विस्तार गर्ने सरकारी नीति रहेको छ ।
म्याग्दी–मुस्ताङ यात्रामा आउने यात्रु र यस रुटमा नियमित चल्ने यात्रुबाहक विधुतीय सवारी साधनको सुविधाकालागी प्रालिले बेनी नगरपालिकालाई मासिक ५ हजार भाडा तिर्ने गरी कालीपुल बसपार्क स्थित पर्यटन सूचना केन्द्रसँगै विधुतीय सवारी चार्जिङ स्टेसन संचालन भएको हो ।
‘सार्वजनिक यातायात ब्यवसायीहरुले विधुतीय सवारी साधन संञ्चालनमा ल्याउन खोज्नु भएको थियो तर विधुतीय गाडी चार्जिङ स्टेसन नभएकोले नगरपालिकाले स्टेसन राख्ने स्थान ब्यवस्थापन गरेको हो’
बेनी नगरपालिका, ८ का वडाध्यक्ष उत्तम कर्माचार्यले भने, ‘विधुतीय सवारी साधन चार्जिङ बेनीमै उपलब्ध हुने भएपछि राजधानी समेत सहरबाट आउने यात्रुलाई बेनी र वरपरका तातोपानी, गलेश्वर क्षेत्रसम्म ढुक्कले घुम्न सक्ने छन ।’
स्टेशन संञ्चालन गरेको धौलगिरी–गण्डकी यातायात प्रालिका बेनी प्रतिनिधी इश्वर कार्कीका अनुसार चार्जिङ स्टेसन सेटअप गर्न ७ लाखबढी खर्च भएको छ । अहिले उपलब्ध गराईएको चार्जिङ स्टेसनले एक सवारी साधन पूर्ण चार्ज गर्न न्यूनतम आधा घन्टा लगाउने छ । विधुतीय सवारी चार्ज गरेको प्रति युनिट १० रुपैयाँ शुल्क तोकिएको छ ।