कोरलानाकामा अध्यागमन कार्यालय उद्घाटन

लोमन्थाङ गाउँपालिका, १ नेचुङमा पर्ने कोरला नाकामा वुधवार गृहमन्त्री रमेश लेखकले अध्यागमन कार्यालय उद्घाटन गरेका छन ।
हेलिकोप्टरबाट वुधवार विहान १० बजे छोसेर स्थित शसस्त्र प्रहरी वल नेपालको विओपी ओर्लेर गृहमन्त्री लेखक गाडीमा २१ किमी माथी कोरला नाका पुगेर अध्यागमन कार्यालय उद्घाटन गरेका थिए ।
कोरोला नाकामा अहिले स्न १९८१ को नेपाल–चीनबीचको ब्यापार सम्झौता अनुसार सीमाबाट मुस्ताङका लोमन्थाङ र लोघेकर–दामोदरकुण्ड गाउँपालिकावासीले सीमा वारपार गरी सामान किनवेच गर्दै आएका छन । नेपाली अध्यागमन स्थापना भएपछि सवै नेपालीले पास लिएर कोरला सीमा वारपार गर्न पाउने छन ।
मुस्ताङको चीनको स्वसाशित तिब्बतसँग १८–३३ सम्म १६ वटा सीमास्तम्भले १३४.१६ किलोमिटर अन्र्तरष्ट्रिय सीमा जोडिएको छ । त्यही विचको २४ नम्बर सीमा स्तम्भ रहेको फराकिलो पठार हो, नेचुङ–लेक्जे कोरोला नाका । कोरोला नाकादेखी २० किमी भित्र तिब्बतको ढोङ्वासेनहुँदै सिगात्सेवाट आएको ‘चाईना नेसनल हाईवे २१९’ सँग जोडिएको छ ।
नेपाल–चीन विच ०७५ सालमा हस्ताक्षर भएको पारवहन तथा यातायात सम्झौताको प्रोक्टोकल अनुसार तीन सुख्खा बन्दरगाहसम्म आवत–जावत गर्ने मध्यको कोरला नाकामा पनि एक हो ।
चिनियाँ अध्यागमन कार्यालयको आमने–सामने निर्मित प्रिफ्याव प्रविधीको १० कोठे अध्यागमन तथा सुरक्षा पोष्ट स्थापना भएको हो । सीमापार चीनले भने सूचानाप्रविधी जडित भन्सार कार्यालयका अतिरिक्त क्वारेन्टाईन, आवस, प्रयोगशाला, गोदाम घर, ट्रक तथा कन्टेरन पाकिङ्ग र सुरक्षा पूर्वाधार खडा गरि सकेको छ ।
गण्डकी प्रदेशको लाइफलाईन मानिएका कोरला नाकामा बन्ने सुख्खा बन्दरगाहबाट हुने पारवाहन तथा सामान ढुवानी गर्न चौडा र मापदण्ड योग्य सडक निर्माणमा ढिलाई भैरहेको छ । अहिले बेनी–जोमसोम–कोरला १ सय ८६ किलोमिटर सडक ७ मिटर पीच सहित ११ मिटर चौडा स्तरमा निर्माण भैरहेको छ ।