मनसुनी वायु झन सक्रिय, अतिभारी वर्षाकाे संभावना, यात्रा गर्दा सतर्कता अपनाअाैं

विहिवार दिउँसाे/रातीदेखी अाइतवारसम्म देशभरको मौसममा बदलिइ विभिन्न स्थानमा मेघगर्जन,चट्याङ र हावाहुरीसहित भारीदेखी अतिभारी वर्षा हुने भएको छ।

मौसम पूर्वानुमान महाशाखाले विशेष मौसम बुलेटिन सार्वजनिक गर्दै बङ्गालको खाडीबाट  जलवाष्पयुक्त हावाको प्रभावका कारण बुधबारदेखि मनसुनी वायुको प्रभाव अझ बढेकाे छ । विहिवारदेखी अाइतवारसम्म नदी तटिय, वाढीपहिराे प्रभावित क्षेत्र तथा यात्रा गर्दा सतर्कता अपनाउनु उपयुक्त हुने माैषम विद्हरूले सुझाएका छन । वाहिरिनु पर्ने समयमा सकृय भएकाे मनसुनले कृषी क्षेत्रमा ब्यापक क्षति पुर्याउने जाेखिम छ ।

सबैभन्दा बढी मनसुनी प्रभाव गण्डकी प्रदेशदेखि सुदूरपश्चिमसम्मका जिल्लामा पर्नेछ। महाशाखाका अनुसार कोशी प्रदेशका इलाम र पाँचथर, गण्डकी प्रदेशका तनहुँ, लमजुङ, कास्की, स्याङ्जा, पर्वत, बागलुङ र म्याग्दी उच्च जोखिमको ‘रेड जोन’मा परेका छन्।

रेडजाेनमा परेका अधिकांश क्षेत्रमा भारीदेखी अतिभारी (प्रतिघन्टा ४०० मिमीसम्म) वर्षाकाे संभावना देखिएकाे माैषमविद्हरूले जनाएका छन ।

यसैगरी लुम्बिनी प्रदेशका पाल्पा, गुल्मी, अर्घाखाँची, प्यूठान, रुकुमपूर्व, रोल्पा, दाङ, बर्दिया र बाँकेलाई पनि उच्च जोखिमको सूचीमा राखिएको छ।

कर्णाली प्रदेशका सुर्खेत, सल्यान, रुकुम पश्चिम, जाजरकोट, दैलेख तथा सुदूरपश्चिमका कैलाली, कञ्चनपुर, डडेलधुरा र डोटी जिल्ला पनि उच्च जोखिममा छन्।