- Loading...
बाढी पसेर बेनीकाे अानन्दबगरमा तीन घर पुरिए, यातायाात अवरुद्ध
- पुनहिल डट कम
- ७ महिना अघि
- ४४८ पटक पढिएको

शनिवार राती १२ बजे परेको भारी वर्षापछि आएको बाढी पसेर बेनी नगरपालिका, १ आनन्दबगरमा तीन घर पुरेको छ । बाढीले सेती थापा मगर (६९)को दुई तले ढुङ्गेघरको पछाडीबाट आएको बाढी घरभित्र छिरेपछि पुरै दुई तलासम्मै पुरिएको छ । एक्लै रहेकी थापाको ज्यान बचेपनि अरु सवै अन्नपात, गरगहना, भाँडावर्तन, लत्ताकपठासहित सवै पुरिएको हो ।
त्यस्तै केशव थापा र सोचिना घर्ती मगरेको घरमा पनि लेदोसहितको बाढी पसेर आंशिक पुरिएको छ ।
‘बाढी पसेर एउटा घर पुरै र अरु दुई घरमा आंशिक पुरिएको छ । ज्यान बाँच्यो । सडकले खोल्सामा बाढीको पूर्वानुमान नगरी सानो आकारको ह्युमपाईप राखिदिएकोले समस्या आएको हो’ बेनी नगरपालिका, १ आनन्दबगरको स्थानीय समकुमारी थापाले भनिन, ‘खोल्साको मुख ठूलो भएको भए बाढी बाहिर निक्लने थिएन, र यो विपत आउने थिएन ।’
बेनी–बाग्लुङ सडकको हुलाके स्थित खोल्सीमा राखेको हृयुमपाईपले बाढीलाई थेग्न नसकेपछि बाढी प्राकृतिक बाटो छोडेर धानखेत, केरावारी भत्काउँदै करिव ५ सय मिटर तल रहेको वस्ती छिरेको हो । बाढीले करिव ६० रोपनी धानखेत र ३० रोपनीबढी केरा खेती पनि नष्ट गरेको छ ।
त्यसैविच सोही बाढीले बेनी–बाग्लुङ सडकको हुलाकेमा पोखराबाट बेनी जाँगै गरेको एउटा स्करपियो जीप बगाएर तल सडकदेखी तल पुर्याएको छ । अर्को एक गाडी पनि हिलोमा फसेको छ । पोखरामा लाखे नृत्य प्रर्दशनगरी घर फर्कदै गरेका नेपाल भाषा मंका खलः म्याग्दीका १२ जना कलाकार सवार जेनेस श्रेष्ठको उक्त स्करपियो जीप शनिवार राती १२.१० बजे बाढीमा फसेको थियो ।
उनीहरुलाई राती नै सरदमुकाम बेनीबाट प्रहरी र स्थानीय पुगेर यात्रुहरुको उद्धार गरेपनि उनीहरु सवार जीप भने बाढीले बगाएको हो । बाढीले सडक बगाएपछि बेनी–बाग्लुङ्ग सडकमा यातायाात पूर्ण अवरुद्ध बनेको छ ।
त्यसैविच राती परेको भारी वर्षापछिको बाढीले बेनी नगरपालिका, ५ काठेखोलामा आदेवी घिमिरेको पनि घरमा क्षति पुगेको वडाध्यक्ष कृष्ण बानियाँले बताए । बेनी गरपालिकाका मेयर सुरत केसीका अनुसारे बेनी नपा, ९ गलेश्वर स्थित जडभरत शालग्राम संस्कृति माविमा पनि बाढी पसेर क्षति पुर्याएको र नगरक्षेत्रमा क्षतिको विवरण संकलन भैरहेको छ ।
रातीको भारी बर्षापछि पर्वतको जलजला गाउँपालिका खण्डका विभिन्न स्थानमा साना पहिरो झरेकोले म्याग्दीबाट देशका अन्य सहर जोड्ने मुख्य बेनी–मालढुङ्गा सडकमा यातायात अवरुद्ध बनेको छ ।

फाेटाे, भिडियाे र टिकटक खिच्न रत्नेचौरमा भीड

कुकुरको भरमा दरवार

विभिन्न अवस्थाकाे फुच्चे गुराँस तस्विरमा हेराैं

खयर समेत म्याग्दीका वराही शक्तिपीठमा भक्तजनको भीड

वराह/वराही क्षेत्रका चरनखर्कमा भेडा ब्यापारकाे राैनक

हिमालमुनी मुस्कुराएकाे मनसुन सौन्दर्य

म्याग्दीखाेलामा ‘भू–तापीय पानीकाे’ अर्थतन्त्र

यसरी पग्लदैछ धौलागिरी ग्लेसियर, अनि पञ्चकुण्ड हिमताल

धौलागिरी फेदीका वनमा पनि भेटियाे नेपाली फुच्चे गुराँस

हिमाली जंगल निलाे गुराँसले रंगियाे

बेनीकाे लभ्लीहिलबाट देखिने सुन्दर सूर्यास्तक
