मलम्पारमा दाउराले प्रहारगरी दाइको हत्या

धवलागिरी गाउँपालिका– ५ मलम्पारमा भाइले दाइको हत्या गरेका छन ।

जिल्ला प्रहरी कार्यालयका अनुसार मलम्पारको रुटबाङटोलमा गयराती करिब साढे ११ बजे सोमबहादुर छन्त्यालले दाउरा प्रहार गरेर ४१ बर्षिय धनबहादुर छन्त्यालको हत्या गरेका हुन् । सोमबहादुर साइला र धनबहादुर माइला सहोदर दाजुभाइ हुन ।

घरायसी झगडामा भाइले दाउराले अनुहारमा प्रहार गर्दा धनबहादुरको घटनास्थलमै ज्यान गएको प्रहरीले जनाएकाे छ ।  दाइको हत्या गरेपछि भागदौड गरेर फरार भएका सोमबहादुरलाई स्थानीयले राती नै नियन्त्रणमा लिएर बाँधेर राखेका छन् ।