- Loading...
प्यारीभारानी ताल सफाईमा जुटे स्थानीय
- पुनहिल डट कम
- ११ महिना अघि
- ४३७ पटक पढिएको

पर्यटकीय तथा धार्मिक महत्वकाे अन्नपूर्ण गाउँपालिका, ७ घराम्दीको सिरानमा पनेर् प्यारीभारानी (वराही) ताल अज्ञात झारले ढाकेपछि घराम्दीवासी सरसपफईमा जुटेका छन ।
झण्डै दुई सय मिटर लामो र ७० मिटर चौडाई भएको प्यारीभारानी तालमा अज्ञात झारले डाकेपछि अन्नपूर्ण गपा, ७ वडा कार्यालयको २ लाख ५० हजार बजेटबाट स्थानीय ताल संरक्षण समितिले तालमा भरिएको झार हटाउन थालेको हो । तालमा हिँउदमा भने पानीको सतह केही घट्छ । तालको वरपर लालीगुराँस फुलेपछि तालमो छायाँ हेर्दा अलौकिक सौन्दर्य खुल्छ ।
‘प्यारीभारानी तालको मनमोहक सौन्दर्य नष्ट गर्नेगरी पुरै ताल नाम थाहा नभएको झारले ढाकियो र बर्षेनी झार झन झन बाक्लो बन्दै गएकोले ताल सरसफाई तथा ताल वरपर ढुङ्गा विच्छ्याएर पदमार्ग निर्माण थालिएको हो’ अन्नपूर्ण गाउँपालिका, ७ का वडाध्यक्ष मईलन पुर्जाले भने, ‘स्थानीयले श्रमदानसमेत थपेर दैनिक ८ जना युवाहरुले ५ दिनदेखी ताल सरसफाई गरिरहेका छन । तालको झारलाई किनारामा ल्याउन र किनाराबाट पनि उठाएर बाहिर फाल्न अझै ५–७ दिन लाग्ने अनुमान गरेका छौं ।’
तालको झार हटाउन स्थानीय प्रविधीको डुङ्गा बनाईएको छ । काठका पातलो प्लेकहरु जोडेर बनाएको प्लेटमाथी तेलका ब्यारेल (ड्रम)हरु बाँधेर बनाईएको स्थानीय डुङ्गामा बसेर स्थानीयले तालको झार झिक्दै बाहिर निकाल्ने गरेका छन ।
घना गुराँशे जंगलको विचमा अवस्थित रमणीय प्यारीभारानी ताल भौगोलिक रुपमा घराम्दीमा पर्ने भएपनि प्रशिद्ध पर्यटकीय गन्तब्य घोडेपानी/पुनहिलबाट एक घन्टा उत्तरपश्चिम पैदलयात्रा पछि पुग्न सकिन्छ ।
घोरेपानीदेखी प्यारीभरानी मोटर बाटोले जोडिएको छ । घोरेपानी–भारानी तालसम्म छुट्टै साईकल लेन पनि बनाईएको छ । अन्नपूर्ण गापा, ६ खिवाङ र चित्र वस्तीबाट पनि मोटर बाटो जोडिएको छ । महरे–खोप्रा पदमार्ग पनि सोही तालको किनारैबाट छिचोल्नु पर्छ ।
यस तालमा ऋषि तर्पणी (जनैपूर्णिमा)का दिन ठूलो धार्मिक मेला लाग्छ । प्यारीभारानी ताल र छेउको मन्दीरमा पुजागरी मनले इच्छाएको ‘वर’ माग्दा पुग्छ भन्ने गहिरो जनविश्वास छ । तस्वीर साैजन्य ः सुरेश पुर्जा

फाेटाे, भिडियाे र टिकटक खिच्न रत्नेचौरमा भीड

कुकुरको भरमा दरवार

विभिन्न अवस्थाकाे फुच्चे गुराँस तस्विरमा हेराैं

खयर समेत म्याग्दीका वराही शक्तिपीठमा भक्तजनको भीड

वराह/वराही क्षेत्रका चरनखर्कमा भेडा ब्यापारकाे राैनक

हिमालमुनी मुस्कुराएकाे मनसुन सौन्दर्य

म्याग्दीखाेलामा ‘भू–तापीय पानीकाे’ अर्थतन्त्र

यसरी पग्लदैछ धौलागिरी ग्लेसियर, अनि पञ्चकुण्ड हिमताल

धौलागिरी फेदीका वनमा पनि भेटियाे नेपाली फुच्चे गुराँस

हिमाली जंगल निलाे गुराँसले रंगियाे

बेनीकाे लभ्लीहिलबाट देखिने सुन्दर सूर्यास्तक
