FLASH NEWS
- Loading...
बढ्यो आटोरिक्साको भाडा, नयाँ भाडादर कति ? (सूचीसहित)
- पुनहिल डट कम
- ६ महिना अघि
- ११० पटक पढिएको
बेनी नगरपालिकाले अध्ययन विना नै नगरपालिकाभित्र सञ्चालित तिन पाङ्ग्रे सवारीसाधन अटोरिक्साको भाडा पनि वृद्धि गरेकाे छ ।
इन्धनको बजार मूल्य बढेकाले खर्च धान्न समेत मुस्किल भएको अटोरिक्सा ब्यवसायीको गुनासोपछि बेनी नगरपालिकाले चैत्र २३ गतेदेखि लागु हुने गरी भाडा बढाइएको जनाएको छ । तर नगरपालिका भित्र चल्ने अन्य सार्वजनिक सवारी साधनकाे भाडा दर भने माैन वसेकाे छ । अटाेरिक्सा ब्यवसायीकाे प्रस्तावमाथि नगरप्रमुख सुरत केसीकाे अगुवाइमा नयाँ भाडादर कायम गरिएको बताइएकाे छ ।
नयाँ भाडादर अनुसार बेनीबजारभित्र प्रति यात्रु न्यूनतम २५ देखि ४० रुपैयाँसम्म भाडा कायम गरिएको छ । बेनीबजारमा छोटो दुरी, मध्यम र लामो दुरीमा फरक‘–फरक भाडादर तोकिएको छ । त्यस्तै बेनी गलेश्वर ४० रुपैयाँ, बेनी– अर्थुङ्गे ४५ रुपैयाँ, बेनी– नयाँपुल ७० रुपैयाँ, बेनी–सिंगा ८० र बेनी–रत्नेचौर ९० रुपैयाँ रहेको नगरपालिकाले जारी गरेको सूचनामा उल्लेख छ ।
नगरपालिकाले अटो तथा विद्युतीय रिक्सा सञ्चालन, व्यवस्थापन तथा नियमनसम्बन्धी कार्यविधि बनाएपछि १० अटोरिक्सा सञ्चालनको अनुमति भए पनि हालसम्म ९ वटा सञ्चालनमा रहेका छन ।
प्रतिक्रिया दिनुहोस