मनसुन लम्बियो : ‘धान नकाटौं, काटेको भए भित्र्याइहालौं’

मनसुन भारतकाे राजस्थानबाट बाहिरिन थालेकाे छ । सामान्यतया मनसुन अक्टुवर २ तारेखबाट नेपालबाट पनि मनसुन बाहिरिनु पर्ने पुर्वानुमान हाे । तर  मनसुन बाहिरिने दिन लम्बिएर एक सातासम्म पछि धकेलिने भएकाे छ ।

जल तथा मौसम विज्ञान विभागले मनसुनकाे दिन लम्बिएकाेकारण किसानलाई तत्काल धान नकाट्न र काटेको भए भित्र्याइहाल्न आग्रह गरेको छ। यो बेलामा हाल मनसुनको न्यून चापीय रेखा सरदर स्थानमा अवस्थित छ। साथै नेपालमा हाल भारतको विहार र पश्चिम बङ्गाल आसपासको क्षेत्रमा रहेको न्यून चापीय क्षेत्रसमेतको प्रभाव रहेको छ। त्यसैले बदली छ।

अहिले धानबाली भित्र्याउने बेला हो, काटेको धान छ भने भित्राइहालौं र काट्ने बेलाको धान छ भने नकाटौं। दुई/तीन दिन रहने यो प्रणालीले धान विगार्छ, खुलेपछि मात्रै काटौं”, वरिष्ठ मौसमविद् वरुण पौडेल भने।

नेपालमा पश्चिमबाट मनसुन बाहिरिन्छ भने पूर्वबाट भित्रिन्छ। अहिले नेपालको कोशी, मधेश र लुम्बिनी प्रदेशका एक-दुई स्थानमा भारी वर्षाको सम्भावनासमेत छ।

जल तथा मौसम विज्ञान विभागले विगत १० वर्षको मनसुनी प्रणाली विष्लेषण गरेर केही वर्षअघि निकालेको निष्कर्षका आधारमा सामान्यतः मौसम बाहिरिने दिन आजलाई अनुमान गरेको थियो।