- Loading...
८४ बर्षिय कार्लोसको धौलागिरी चढ्ने सपना अधुरो
- पुनहिल डट कम
- १ साल अघि
- ३२५ पटक पढिएको

धौलागिरी प्रथम (८१६७मी.) हिमालको चुचुरो चुम्ने स्पेनी ८४ वर्षिय जेष्ठ पर्वतारोही कार्लोस सोरिया फोन्टेनको सपना अधुरै रहने भएको छ ।
स्पेनबाट धवलागिरी आरोहणकालागी विदाई हुनु अघि कार्लोसले भनेका थिए, ‘उमेरको कीर्तिमान राख्न होईन की पर्वतारोहणको आनन्दको निरन्तरताकालागी धवलागिरी आरोहणमा जाँदैछु । मलाई ८१६७ मी, एक धेरै सुन्दर तस्वीर र धवलागिरीले मलाई धेरै पटक अस्वीकार गरेको मात्र थाहा छ । म चढ्न सक्छु, चढ्न चाहन्छु र फेरी प्रयास गर्दैछु । यो मेरो सायद अन्तिम मौका हो ।’
तर पनि कार्लोसको धौलागिरी प्रथमको चुचुरो चुम्ने धोको अधुरै रहेने भएको छ । बुधवार विहान धौलागिरी हिमालको तेस्रो शिविरबाट चुचुरोमा पुग्न उक्लनेक्रममा कार्लोस अचानक दुर्घटनामा परी घाईते भएपछि उनको धौलागिरीको चुचुरोमा पाईला राख्ने १४ औं प्रयास असफल बनेको हो ।
दुर्घटनामा परेका कार्लोसलाई शेर्पाहरुको सहयोगमा क्याम्प तीनमा झारिएको छ । कार्लोसको फेसवुक पेज (yo subo con carlos soria) मा जनाईए अनुसार आज राती धौलागिरी चुचुरोमा पुग्ने क्रममा दुर्घटनामा परी टिबियामा चोट लागेको र शेर्पाहरुले उद्धारगरी क्याम्प तीनमा झारेको तथा होलिकोप्टरबाट उद्धार प्रयास भैरहेको उल्लेख गरिएको छ ।
जेष्ठ पर्वतारोही कार्लोसलाई धौलागिरी आरोहण गराउन लिएर गएको सेभेन समिट ट्रेक्सका प्रवन्धक थानेश्वर गुरागाईले पनी दुर्घटनाको पुष्टी गरे । ‘कार्लोर तेस्रो क्याम्पबाट शिखर चढ्नेक्रममा लडेर उहाँको खुट्टा मर्कियो । उहाँलाई शेर्पाहरुले तत्काल उद्धारगरी तेस्रो क्याम्प झारेका छौं । हेलिकोप्टरबाट उद्धार प्रयासमा छौं’ सेभेन समिट ट्रेक्सका प्रवन्धक गुरागाईले भने, ‘सवै भन्दा जेष्ठ उमेरमा धौलागिरी चढ्ने धोको लिएर १३ औं प्रयासमा रहेका कार्लोसको सपना यस सिजनमा पनि अधुरो बनेको छ ।’
कार्लोस सहकर्मी कार्कोभिल्लाको साथमा धौलागिरी आरोहणकालागी मार्च २४ मा स्पेनबाट विदाई भएका थिए । सन् २०२१ सेप्टेम्बर १४ तारेखमा पनि १३ औं प्रयासमा कार्लोस धौलागिरीको ७ हजार १ सय मिटर उचाईको तेस्रो क्याम्प फिक्स गरेपछि धवलागिरीको मौषम अचानक विग्रेपछि आरोहण त्यागेर फर्केका थिए ।
कार्लोसले यस अघि आफ्नो ६०–८२ बर्ष उमेरमा नेपालका सगरमाथा, चोयु, मकालु, मनास्लु, लोत्से, कन्चनजंगा, अन्नपूर्ण समेत ८ हजार मिटर अग्ला १२ वटा हिमालको अरोहण गरी विश्व रेर्कड राखेका छन ।

फाेटाे, भिडियाे र टिकटक खिच्न रत्नेचौरमा भीड

कुकुरको भरमा दरवार

विभिन्न अवस्थाकाे फुच्चे गुराँस तस्विरमा हेराैं

खयर समेत म्याग्दीका वराही शक्तिपीठमा भक्तजनको भीड

वराह/वराही क्षेत्रका चरनखर्कमा भेडा ब्यापारकाे राैनक

हिमालमुनी मुस्कुराएकाे मनसुन सौन्दर्य

म्याग्दीखाेलामा ‘भू–तापीय पानीकाे’ अर्थतन्त्र

यसरी पग्लदैछ धौलागिरी ग्लेसियर, अनि पञ्चकुण्ड हिमताल

धौलागिरी फेदीका वनमा पनि भेटियाे नेपाली फुच्चे गुराँस

हिमाली जंगल निलाे गुराँसले रंगियाे

बेनीकाे लभ्लीहिलबाट देखिने सुन्दर सूर्यास्तक
