मोनाको स्तन तथा पाठेघर सम्बन्धि शिविर धवलागिरी, मालिका र मंगलामा हुने

म्याग्दी प्रवासी नेपाली संघ अन्तराष्ट्रिय कार्यकारी समिति अन्तरगको महिला विभागले बैशाख १० गते आइतबारदेखि धवलागिरी गाउँपालिकामा २ दिने स्तन तथा पाठेघरकाे क्यान्सर स्किनिङ शिविर गर्ने भएको छ ।

त्यसैगरी बैशाख १२ र १३ गते दरबाङ, बैशाख १४ र १५ बावियाचौर र बैशाख १६ र १७ गते बेनी नगरपालिका–२मा शिविर सञ्चालन गरिने मोना आइइसीका सचिव सुबोध बरुवालले बताए । यस अघी रघुगंगा र अन्नपूर्ण गाउँपालिकामा स्तन तथा पाठेघरकाे क्यान्सर स्किनिङ शिविर गरेकाे थियाे ।

काठमाण्डौ क्यान्सर सेन्टर भक्तपुरको प्राविधिक सहयोगमा हुने शिविरमा पाठेघर र स्तनमा हुन सक्ने क्यान्सरकाे लक्षणहरू पहिचान गर्न स्किनिङ शिविर गरी  थप उपचारका लागि रिफर गरिने काठमाण्डौ क्यान्सर सेन्टर भक्तपुरको डा. किशोरकुमार प्रधानाङ्गले बताए ।