नेसन पुनकाे चैत्रको डढेलो सार्वजनिक

म्याग्दीकाे अन्नपुर्ण गाउँपालिका, ६ चित्रे (घाेरेपानी नजिक) स्थाइ घर भएका गायन रियालिटी शो नेपाल आइडलका शीर्ष ५ फाइनलिस्ट नेसन पुनले आफ्नो नयाँ गीत सार्वजनिक गरेका छन् । नेसनको चैत्रको डढेलो बोलको नयाँ म्युजिक भिडियो मंगलबार सार्वजनिक भएको हो ।

पुनले अाफ्नै जन्मथलाे म्याग्दीको घोरेपानीमा छायांकन गरिएको म्युजिक भिडियोमा युवायुवतीको प्रेमलाई चित्रित गरिएको छ । डिकेन्द्र श्रेष्ठको शब्द र संगीतमा तयार गीतको म्युजिक भिडियो भने बिसन थापा ‘उदास’ ले निर्देशन गरेका छन् ।

भिडियोमा गायक नेसनसँगै सस्मी पुनले अभिनय गरेकी छन् । नेसनले यसअघि ‘माया गर्छु म’, ‘तिमी मेरो जीवनमा’ लगायतका गीत सार्वजनिक गरिसकेका छन् ।