अनेरास्ववियुको केन्द्रिय सचिवमा म्याग्दीका पौडेल

नेकपा एमाले निकट विद्यार्थी संगठन अखिल नेपाल राष्ट्रिय स्वतन्त्र विद्यार्थी युनियन (अनेरास्ववियु) को केन्द्रिय सचिवमध्य म्याग्दीका प्रकाश पौडेल पनि विजयी भएका छन ।

काठमाडौंमा विहिवार सम्पन्न भएको २३ औँ महाधिवेशनबाट पौडेल केन्द्रिय सचिवमा विजयी भएका हुन। अनेरास्ववियुकाे अन्य ६ प्रदेशबाट सञ्जिव धिताल, सुजन कडरिया, दिपेश प्रसाई, अञ्जना शिवाकोटी, आरती भट्टराई र वितिता काफ्ले निर्वाचित भएका छन्।

त्यस्तै केन्द्रिय सदस्यमा गण्डकी प्रदेश महिलाबाट सावित्री खत्री निर्विरोध निर्वाचित भएकी छिन ।

महाधिवेशनबाट केन्द्रीय अध्यक्षमा समिक बडाल निर्वाचित भएका छन्। बिहीबार मतदानकाे  मतपरिणाम अनुसार बडाल बिजयी भएका हुन्। बडाल अनेरास्ववियुका निवर्तमान महासचिव हुन्।

यसैगरी, उपाध्यक्षमा गोविन्द गिरी, धर्म गिरी, नारायण घर्ती र मर्यादा विष्ट निर्वाचित भएका छन् भने महासचिवमा नरेश रोकाया निर्वाचित भएका छन्।