कालिगण्डकी नदीमा बस खस्यो, ५ जना गम्भिर घाईते

मुस्ताङको जोमसोमबाट पोखरातर्फ जाँदै गरेको म्याग्दी कोरला यातायात प्रा.लि.को यात्रु वाहक बस मुस्ताङको थासाङ गाउँपालिका–३  धम्पु स्थित कालोपत्रे सडकमा दुर्घटना भएको छ ।   जोमसोमबाट १७ जना यात्रु लिएर पोखरातर्फ जाँदै गरेको ना ७ ख ७४४० नम्बरको यात्रु बाहक बस बुधबार बिहान ८ः३० बजेको समयमा दुर्घटना भएको जिल्ला प्रहरी कार्यालय मुस्ताङले जनाएको छ ।

राष्ट्रिय गौरवको बेनी–जोमसोम सडकको धम्पु स्थित सडकको बाँया करिव ५४ मिटर तल कालिगण्डकी नदीमा बस खसेको प्रहरी नायव उपरिक्षक रविन्द्र पौडेलले बताए दिए । बसमा सवार १७ जना यात्रु मध्ये ५ जना यात्रु गम्भिर घाईते भएका छन् । अन्य यात्रु भने सामान्य घाईते छन् ।

दुर्घटनाग्रष्त बसमा १२ जना पुरुष,४ जना महिला र १ जना नाबालक यात्रु थिए । गम्भिर घाईते यात्रुलाई थप उपचारका लागि पोखरा पठाईएको छ भने सामान्य घाईते यात्रुलाई थासाङ–३ स्थित लेते प्राथमिक स्वास्थ्य केन्द्रमा उपचार भईरहेको प्रनाउ पोडेलले भने।