कुमारी सहकारीले १४ औं साधारण सभा आफ्नै भवनमा मनायो

सदरमुकाम बेनी स्थित कुमारी वहुउद्देश्यीय सहकारी संस्था लिमिटेडले बुधवार १४ औं स्थापना दिवस आफ्नै भवनमा मनाएको छ ।
साधारण सभाको साधारण सभाको जिल्ला सहकारी संघका अध्यक्ष प्रेमबहादुर कार्कीले एक कार्यक्रम विच उद्घाटन गरे । साधारण सभा उद्घाटन गर्दै कार्कीले राज्यको नियमनकारी र बैंकहरु सहकारीहरु डुबाउने ध्याउन्नमा लागेको आरोप लगाए ।

‘हाम्रा नियमनकारी निकाय र बैंकहरु सहकारी संस्था डुबाउने प्रयासमा लागेको अनुभति भएको छ । तर सवै सहकारी संञ्चालकहरु पनि चोखा र पवित्र भने छैनन । सहरकारीको शिद्धान्त, नियम तथा विधीप्रकृयामा रहेका सहकारी सफल छन, विधीप्रकृया नमान्नेहरु समस्यामा पर्दै गएका छन ।’
सदरमुकाम बेनी नगरपालिका, ८ स्थित बेनीको न्यूरोडमा रहेको भाडाको घरबाट संञ्चालित सहकारीले बुधवारबाट संगमचोक स्थित आफ्नै भवनबाट कारोवार सुरु गरेको हो । लामो समयदेखी वित्तिय संकट झेल्दै आएको कुमारी वहुउद्देश्यीय सहकारी संस्थाले समस्याबाट सुधारउन्मुख रहेको दावी गरेको छ ।
‘संस्थाले गरेको ठूलो लगानी उठ्न नसक्ने, निक्षेप नआउने र भएको बचत लगातार फिर्ता गर्नु परेपछि वित्तिय समस्यामा परेका हौं । पछिल्लो ७ महिनामा १८ करोड ऋण लगानी उठाउन सक्षम भयौं । अझै समस्या मुक्त त भएका छैनौं तर धेरै सुधार भएको छ, संकट मोचन हुन थालेको ठानेका छौं’ संस्थाका निर्वतमान अध्यक्ष थमबहादुर गर्वुजाले भने, ‘अव नयाँ सिराबाट संस्थालाइ उठाउछौं । सवै लगानी उठ्न सके ४ करोडबढी मुनाफा छ ।’
कार्यक्रम अध्यक्ष यामबहादुर रोकाको अध्यक्ष्तामा र सचिव देवी थापाले संञ्चालन गरेकी थिईन ।