सडक दौडमा पुरुषमा नविन र महिला तर्फ सविना पहिलो

सदरमुकाम बेनीमा शुक्रवार सम्पन्न पुरुष तर्फ ८ किमी दौड प्रतियोगितामा बेनी नगरपालिका, ५ पुलाका नविन कार्की पहिलो भएका छन ।
कार्कीले ८ किलोमिटर दुरी २३ मिनेट १५ सकेण्डमा पार गरेका थिए । कार्कीलाई धवलागिरी गापाका भुमिराज नेपालीले २४ मिनेट १५ सेकेण्डमा पुरा गरी दोस्रो भए ।
त्यसैगरी महिला तर्फको रघुगंगा गापा, ३ पिप्लेकी जर्सी नं ५ सय १९ लगाएकी सविना विकले १९ मिनेट ४५ सेकेण्डमा ६ किमी दुरी पार गरी महिला तर्फको दौडमा पहिलो भईन । तेज धाविका विक रघुगंगा माध्यामिक विद्यालय पिप्लेमा ८ कक्षामा अध्ययनरत छिन । मंगला गापा, ५ अर्मनपोककी रिक्जना माझीले सोही दुरी २० मिनेट १३ सेकेण्डमा पार गरी दोस्रो भईन ।
दौड प्रतियोगितामा पुरुष तर्फ २३ जना र महिला तर्फ ७ जना धाविकाहरु सहभागी भएका थिए । प्रतियोगितमा विजयीलाई १० हजार नगदसहित प्रमाण पत्र र मेडल प्रदान गरिएको थियो ।