पालिका स्तरिय भलिवलकाे पुरुषमा रघुगंगा र महिलामा अन्नपूर्ण प्रथम

सदरमुकाम बेनीमा सम्पन्न अर्न्तर पालिका स्तरिय पुरुष भलिवल तर्फ रघुगंगा गाउँपालिका पहिलो भएको छ । प्रतियोगितामा जिल्लाका एक नगर समेत ६ पालिका सहभागी थिए ।
रघुगंगा गाउँपालिकाले २५–१९, २५–१३ र २५–१७ को सोझो सेटमा अन्नपूर्ण गाउँपालिकालाई पराजित गरी उपाधी हात पारेको हो ।
जिल्ला खेलकुद विकास समितिले आयोजना गरेको प्रतियोगितामा उपाधी उचालेको रघुगंगा गापाले ८८ हजार ८ सय ८८ रुपैयाँ र दोस्रो हुने अन्नपूर्ण गापाले ५५ हजार, ५ सय ५५ रुपैयाँ नगदसहित ट्रफि, मेडल र प्रमाण पत्र प्राप्त गरे ।
त्यस्तै, अर्न्तर पालिका स्तरिय महिला भलिवल प्रतियोगिता तर्फ अन्नपूर्ण गाउँपालिका पहिलो भएको छ ।
बेनी खेल मैदानमा शुक्रवार भएको फाईनल खेलमा अन्नपूर्ण गापाले २५–२२, २५–१७ र २५–१० को सोझो सेटमा धवलागिरी गापालाई पराजित गरेको हो । प्रतियोगितामा पहिलो र दोस्रो हुने महिला भलिवट टिमले क्रमश ः ५५ हजार ५ सय ५५ तथा ३३ हजार ३ सय ३३ नगद सहित ट्रफि, मेडल र प्रमाण पत्र हात पारे ।