सहिद सुरेश शेरपुञ्जाकाे स्मृतीमा दौड प्रतियोगिता, शेरपुञ्जा सहिद बनेकाे शिख काण्डकाे न्यायिक छानविनकालागी दरवारमा चढाएकाे विन्ती पत्र पढ्नुहाेस

म्याग्दीको अन्नपूर्ण गाउँपालिका–५ पाउद्धारमा सहिद दिवस पारेर दौड प्रतियोगिता भएको छ ।

पञ्चायत विरोधी आन्दोलनमा सहिद भएका पाउद्धार तत्कालिन पाउद्वार निमाविका शिक्षक सुरेश शेरपुञ्जा पुनको स्मृतिमा पाउद्धारको विभिन्न टोलका व्यक्ति र विद्यार्थीहरुको दौड प्रतियोगिता आयोजना गरिएको हो । ३२ जनाले प्रतियोगितामा भाग लिएका थिए । पाउद्वार माविले हरेक शहिद दिवसकाे अवसरमा ३३ वर्षदेखी शहिद सुरेश शेरपञ्जाकाे स्मृति दिवस बनाउँदै अाएकाे छ ।

तीन किलोमिटर दुरिको संस्थागत दौड प्रतियोगितामा पाउद्धार माझ गाउँ प्रथम र पाउद्धार मावि दृतीय भएका छन् । प्रथमलाई रु. दश हजार र दृतीयलाई रु. पाँच हजार पुरस्कार प्रदान गरिएको थियो । व्यक्तिगत तर्फ विबेक तिलिजा प्रथम, दिपेन्द्र तिलिजा दृतीय र मिसन पाइजा तृतीय भएका छन् । प्रथम, दृतीय र तृतीयलाई क्रमश रु. नौ हजार, छ हजार र तीन हजार पुरस्कार प्रदान गरिएको छ ।

१.५ किलोमिटर दुरीको पाउद्धार माविका छात्र छात्राहरुबीच भएको प्रतियोगितामा प्रथम, दृतीय र तृतीयलाई क्रमश रु. एक हजार पाँच सय, एक हजार र पाँच सय पुरस्कार प्रदान गरिएको थियो । छात्रातर्फ आरोषी तिलिजा प्रथम, दिया पाइजा दृतीय र प्रतिज्ञा खाती तृतीय भएका छन् ।
छात्रतर्फ युदिप पुन प्रथम, डविन तिलिजा दृतीय र विशेष पाइजा तृतीय बनिन। विद्यालय व्यवस्थापन समितिका अध्यक्ष घनबहादुर पाइजाको अध्यक्षतामा भएको कार्यक्रममा सहिद सुरेशका दाजु राजु पुन, अन्नपूर्ण गाउँपालिकाका उपाध्यक्ष दिवा तिलिजा पुन र वडा अध्यक्ष राजेश तिलिजाले पुरस्कार वितरण गरे ।

काे हुन शुरेश ?

साविक शिख गाउँपञ्चायत, ६ पाउद्वारवासी शुरेश शेरपुञ्जा स्थानीय पाउद्वार निमाविका शिक्षक थिए । २०४२ सालमा राष्ट्रिय पञ्चायतकाे चुनाव थियाे । साे चुनावमा उम्मेद्वार थिए, घाेरेपानीका हरिबहादुर पुन र पाखापानीका भीमप्रसाद गाैचनसमेत । चुनावलाइ लिएर साेही सालका चैत पहिलाेसाता बेनीमा पुन र गाैचनका कार्यकर्ता विच झडप भयाे । झडपछि राज्य संयन्त्र परिचालित भै पुनका समर्थक खाेज्दै शिख क्षेत्रमा धरपकड सुरू भयाे । साेही क्रममा ः ०४२ चैत २० गते शिखकाे मुलपानीमा विवादहुँदा प्रहरीले गानी हानी पाउद्वारका शुरेस शेरपुञ्जा र झारवाङका हिरालाल फगामीकाे मृत्यु भयाे । मृत्यु हुने दुवै जना तत्कालिन नेकपा मालेका समर्थक थिए ।

घट्नापछि हिरालालकी श्रीमति खुनिसा फगामीले घट्नाकाे न्यायिक छानविन माग्दै राजदरवारमा चढाएकाे विन्ति पत्र यस्ताे छ ः