बेनीको कालीपुल–क्याम्पसचोक ‘ट्रष्ट फुट ट्रेल’ले जोडियो

सदरमुकाम बेनीको क्याम्पसचोकदेखी तल कालीपुलको कालीगण्डकी मोटरेवल पुल ओर्लन ‘ट्रष्ट फुट ट्रेल’ले जोडिएको छ ।
बेनी नगरपालिका, ८ वडाकार्यलय रहेको क्याम्पसचोक देखी तल कालीपुल सडकमा ओर्लन क्याम्पस क्षेत्रबाट झर्ने बाढी तर्काउने नालीमाथी २० मिटर लामो फलामे रेलिङसहित सिंढीको पैदलबाटो बनेपछि पैदलयात्रीकालागी सजिलो भएको हो ।
८ नम्बर वडा कार्यालयले ३ लाख लागतमा कालीपुल स्थित मोटरपुलको मुखदेखी क्यााम्पसचोक निक्लने नयाँ पैदल मार्गको निकास निकालेको हो । पैदलयात्री क्याम्पसचोकबाट पिपलचोकहुँदै बसपार्क ओर्लेर मोटरपुल पुगेर पारी पर्वत बेनी जानु पर्थ्यो । अव भने ‘ट्रष्ट फुट ट्रेल’ निर्माणपछि कालीपुल मुक्तिनाथ हार्डवयर छेउबाट ट्रष्ट रेलिङ उक्लेर क्याम्पसचोकमा निक्लन मिल्ने भएको छ । तर यो पदमार्ग रातीको समयमा भने खुल्ला हुने छैन ।

‘क्याम्पसचोकमा रहेको वडा कार्यालयबाट तल कालीपुल मोटरबाटोमा निक्लने बाढी निकास गर्न बनेको ढलमाथी फलामे रेलिङ र भञ्याङ राखेर पैदलमार्ग निकालेका छौं’ बेनी नपा, ८ का वडाध्यक्ष उत्तम कर्माचार्यले भने, ‘पैदलमार्गले वडा कार्यालयमा सेवा लिन आउने सेवाग्राहीलाई मात्र होईन, सर्वसाधारण सवैलाई दिनको समयमा क्याम्पसचोक–कालीपुल पैदययात्रीकालागी सजिलो भएको छ ।’