पश्चिम नेपालमा ठूलो पानी पर्न सक्ने चेतावनी, असाेज ८ सम्म अांशिक वर्षाकाे अनुमान

नेपालको सिमाना छेउको भारतीय राज्य उत्तर प्रदेशमा केही दिनदेखि विकसित न्यूनचापीय क्षेत्र नेपालतर्फ सर्दै जाने क्रममा रहेकाे हुनाले आगामी केही दिन नेपालकाे पश्चिमी क्षेत्रमा मनसुन थप सक्रिय हुने सम्भावना देखिएको मौसम पूर्वानुमान महाशाखाले जनाएको छ।

हाल देशको पश्चिमी भू-भागको दक्षिणतिर विकसित भएको मेघ गर्जन चट्याङग सहित वर्षा गराउने बादल उत्तर तिर सर्दै छ। यो प्रणालीका कारण गण्डकी, लुम्बिनी, कर्णाली र सुदूरपश्चिम प्रदेशका थोरै स्थानहरूमा भारी देखि धेरै भारी वर्षाको सम्भावना छ। शनिवारदेखी वर्षा थप पश्चिम लाग्ने अनुमान छ । असाेज ८ सम्म अांशिक वर्षा कायम रहने अनुमान छ ।

चौबीस घण्टाको अवधिमा १० मिलिमिटरको हाराहारीमा पानी पर्नुलाई सामान्य वर्षा मानिन्छ भने १० देखि ५० मिलिमिटर पानी पर्नुलाई मध्यम वर्षा मानिन्छ। पचासदेखि १०० मिमि पानी परेमा भारी वर्षा भनिन्छ अनि १०० मिमि नाघेको खण्डमा धेरै भारी वर्षा भनिन्छ।