म्याग्दीका सुजनले बनाए कोरियामा ब्याट्रीबाट चल्ने गाडी

रोजगारीका क्रममा दक्षिण कोरिया पुग्नुभएका म्याग्दीको बेनी नगरपालिका –६ का सुजन केसीले ब्याट्रीबाट गुड्ने गाडी बनाएकाे सामाजिक सञ्जालमा पाेष्ट गरेका छन ।

पाँच महिनादेखि निरन्तर गरेको कोसिसपछि विद्युत चार्ज गरेर चलाउन सकिने उक्त गाडीमा चारवटा ब्याट्री जडान गरि गाडी गुडाउन सकेकाे र तीनदेखि चार घण्टा विद्युत चार्ज गरेपछि ४० देखि ५० किलोमिटरसम्म चलाउन सकिने केसीले अाफ्नाे फेसवुक र टिकटकमा उल्लेख गरेका छन ।  

गाडी बनाउने सीप देखेपछि राेजगारदाताकाे पहलमा दक्षिण काेरियाकाे स्थानीय पालिकाले मेकानिकल इन्जिनियरिङ काेर्ष सिकाउने अफर गरेकाे केसीले बताएका छन । 

दक्षिण काेरियाकाे एक कृषी फार्ममा विगत ६ बर्षदेखी कार्यरत केसीले फार्ममा रहँदा गाडी चलाउने पनि काम गर्थे । ‘कामसँगै मैले कम्पनीकाे गाडी चलाउँदै आएको थिएँ, गाडी बिग्रिएमा आफै मर्मत गर्थें । म आफै गाडी बनाउन सक्छु कि भनेर युट्युव हेर्दै पाँच पटक प्रयासमा गाडी बनाउन सफल भएँ ।’  म्यासेन्जरमा केसीले भने । केसीलाइ गाडी बनाउन उनका राेजगारदाताले अावश्यक पार्टपुर्जा जाेहाे गर्न र समय ब्यवस्थापन गर्न सहज गरिदिएका थिए । 

‘गाडी गुड्ने भएको छ, अब गाडीकाे वडीकाे स्ट्रक्चर जडानको काम बाँखकी छ’ केसीले फाेटा पठाउँदै भने, “नेपाल फर्किएर गाडी बनाउने काम गर्न मन छ ।”