आज:  | Sun, 03, Jul, 2022

सूर्यनारायण पुरस्कार श्रेष्ठद्वयलाई

२१ जेष्ठ २०७९, शनिबार ११:४५ मा प्रकाशित (4 हप्ता अघि)
पुनहिल संवाददाता

बेनीका सूर्यनारायण श्रेष्ठको नाममा परिवारले स्थापना गरेको सूर्यनारायण पुरस्कार संस्थाले यस वर्षको पुरस्कार कलाकारद्वय बेनीका तुलप्रसाद श्रेष्ठ र प्रकाशकुमार श्रेष्ठलाई प्रदान गरेको छ ।
लोकसंस्कृति। कला र साहित्यको क्षेत्रमा योगदान पुर्‍याउने ब्यक्तिलाई प्रत्यक दुई वर्षमा प्रदान गरिदै आएको सूर्यनारायण पुरस्कारको १६ औं संस्करण (०७६) बेनीका कला साधक तुलप्रसाद श्रेष्ठलाई र १७ औं स्ंस्करण (०७८) अर्का संस्कृति संरक्षक तथा लोककला साधक प्रकाशकुमार श्रेष्ठलाई प्रदान गरिएको हो ।
शनिवार बेनीमा आयोजित एक कार्यक्रमका विच बेनी नगरपालिकाका प्रमुख सुरत केसीले पुरस्कृत श्रेष्ठद्वयलाई जनही २०–२० हजार नगद, कदर पत्र र दोसल्ला ओढाएर सम्मान गरेका थिए । प्रगतीवादी रुझान भएका हार्मोनियम, तवला, मादल, मुचुङ्गा, मुरली वादन समेत लोकगायन तथा नाट्यर्की सूर्यनारायण श्रेष्ठको विस १९८५ कात्तिक ११ गते बेनीमा जन्मिएका थिए । ०४७ साउन २२ गते बेनीमा देहवसान भएका श्रेष्ठको स्मृतिमा परिवारले ०४८ सालमा पुरस्कार संस्था स्थापना गरेका थिए ।

पुरस्कार वितरण समारोहमा पुरस्कृतद्वय ८३ बर्षिय तुलप्रसाद श्रेष्ठ र प्रकाश श्रेष्ठ (६५)ले आ–आफ्ना गीत, भजन गाएका थिए । कार्यक्रमका वक्ताहरुले स्व.सूर्यनारयणले गरिवीका विच पनि कसरी लोकसंस्कृति र वाद्यवाधनको साधना गरे, समाज परिवर्तनकालागी कसरी क्रान्तिकारी विचार प्रवाह गरे चर्चा गरेका थिए ।