पुनहिल संवाददाता
जिल्लाको विभिन्न स्थानमा शनिबार दिउँसो परेको असिनापानीले खेतीबाली नष्ट पारेको छ ।
प्राकृतिक हावाहुरी, असिना र हिमपात जस्प्रता काेपबाट वर्षेनी कृषीवाली नष्ट हुने गरेपनि वालीकाे विमा नहुँदा कृषक खेतकाे डिलमा बसेर पुम्पुराेमा हात राख्दै अाेठमुख सुकाउनु मात्र भएकाे छ । स्थानीय सरकार तथा संघ र प्रदेश सरकारले पनि कृषककाे नाममा विभिन्न अनुदान र कार्यक्रम चलाएपन वाली सुरक्षाका कुनै कार्यक्रम ल्याएका छैनन ।
बेनी नगरपालिका सहित रघुगंगा र मगंला गाउँपालिकामा असिनाले गहुँ, जौँ, आलु, मकैबालीमा क्षति पुगेपछि कृषक चिन्तित र निराश बनेका हुन् । रघुगङ्गाको बेग, भगवती, पिप्ले, मौवाफाँट, बेनीको रत्नेचौर, भकुण्डे, भकिम्ली, डडुवा, मङ्गलाको बरङ्जा, सीमलचौरमा हावाहुरीसहितको असिना परेको थियो ।
भित्र्याउने बेला भएको गहुँ, भर्खरै उम्रिएको मकै , सिमि र आलुका बिरुवा असिनाले चुटेर नष्ट बनाएको रघुगंगा–३ मौवाफाँटका तुलबहादुर खत्रीले जानकारी दिए । यतिखेर जिल्लाको मध्यपहाडी र लेकाली क्षेत्रमा गहुँ भित्र्याउने चटारो छ ।
हावाहुरीसँगै असिनापानी परेको थियो । सुन्तला जात फलफूल र तरकारी खेतीमा पनि असिनाले क्षति गरेको मङ्गला–३ बरङ्जाका कृष्णलाल सापकोटाले बताए । क्षतिको पूर्ण विवरण आइ नसकेको कृषि ज्ञान केन्द्र्रले जनाएको छ । स्थानीय तहका कृषि प्राविधिकलाई क्षतिको विवरण सङ्कलनका लागि परिचालन गरिएको केन्द्रले जनाएको छ ।
