आज:  | Fri, 01, Jul, 2022

म्याग्दीमा टाइफाइड विरुद्धको खोप चैत २५ देखी, २८ हजार ७ सय बालबालिकालाई खोप दिइने

२४ चैत्र २०७८, बिहीबार १२:२९ मा प्रकाशित (2 महिना अघि)
पुनहिल संवाददाता

दक्षिणएशियामै पहिलो पटक नेपालमा १५ महीनादेखि १५ वर्षसम्मका बालबालिकालाई टाइफाइड विरुद्ध खोप अभियान सञ्चालन सुरू भएकाे छ । म्याग्दीमा चैत २५ गतेदेखी टाइफाइड विरुद्ध खोप अभियान सुरू हुँदै छ ।

म्याग्दीमा याे अभियान चैत २५ देखी वैशाख २ गतेसम्म चल्ने छ। अन्नपूर्ण गाउँपालिकामा ३ हजार ३ सय ८७ जना, रघुगंगा गापामा ३ हजार ९ सय ८० जना, बेनी नगरपालिकामा ९ हजार ६ जना, मंगला गापामा ४ हजार ८० जना, मालिकामा ४ हजार ७ सय ८० जना र धवलागिरीमा ३ हजार ४ सय ८५ जनागरी २८ हजार ७ सय १८ जना बालबालिकालाइ टाइफाइड विरुद्ध खोप लगाइने छ ।  जिल्लाका २ सय ३० वटा खाेप केन्द्र ताेकिएका छन । 

स्कुलमा पुगेका बालबालिकालाइ खाेप अभियानमा समावेश गर्न सहज भएपनि बाहिर कृषी, यातायात, निर्माण क्षेत्रमा रहेका बालबालिकालाइ खाेप पुर्याउन चुनाैतीपूर्ण छ ।

नेपालमा विस २०३४ सालदेखी विसिजी, डिपिटीबाट एन्टीजिन खाेप लगाउन सुरू गरिएकाे हाे । टाइफाइड विरुद्ध खोप नेपालमा लगाइने १२ अाैं एन्टीजिन खाेप हाे । नेपालले पछिल्लो १० वर्षदेखि टाइफाइड विरुद्ध खोप लगाउन गृहकार्य थालेको थियो।

स्वास्थ्य कार्यालय प्रमुख एकनारायण लम्सालका अनुसार टाइफाइड राेग सवै उमेर समुहलाइ लाग्ने भएपनि १५ बर्ष मुनीका बालबालिकामा ११ गुणाबढी संक्रामक छ । याे अभियानपछि नियमित रूपमा वालबालिकालाइ अन्य खाेपसँगै टाइफाइड विरुद्ध खोप लगाइने छ ।