अमेरिकाका २ वैज्ञानिक रुसको क्याप्सुलमा कैद

अमेरिकाका २ जना वैज्ञानिक भने रुसको राजधानी मस्कोमा एउटा क्याप्सुलमा बन्द छन् । यी वैज्ञानिकहरु नासाको ८ महिना लामो स्पेस एक्सपेरिमेन्टमा सहभागी छन् । एकातिर अमेरिकी नागरिक सक्दो छिटो रुस छाड्ने प्रयासमा छन् । अर्कोतिर यी दुईलाई स्थितिको गम्भीरताको कुनै जानकारी छैन ।

खासमा नासाले एउटा एक्सपेरिमेन्ट गरिरहेको छ । यसको नाम सिरियस २१ हो । यसको उद्देश्य अन्तरिक्ष यात्रीहरुको वास्तविक अनुभव जान्नु हो । यो एक्सपेरिमेन्टमा सहभागी ६ जना वैज्ञानिक यो क्याप्सुलमा बन्द छन् । यीमध्ये २ जना अमेरिकी वैज्ञानिक विलियम ब्राउन र एशले कोभाल्स्की हुन् । यिनीहरुसँग ३ जना रुसी नागरिक र एक जना युएइका नागरिक पनि क्याप्सुलमा बन्द छन् ।

नासाको एक मिशनअनुसार यी वैज्ञानिक नोभेम्बरमा क्याप्सुलभित्र गएका थिए । यिनीहरु आगामी जुलाइसम्म क्याप्सुलभित्रै रहनेछन् । उनीहरुसँग बाहिरी संसारसँग सम्पर्क गर्ने एउटा मात्र माध्यम छ, इलेक्ट्रोनिक पत्रको माध्यमबाट । एक्सपेरिमेन्टमा सहभागी एक कोअर्डिनेटरद्वारा यी पत्र एक सुरक्षित सर्भरमा अपलोड गरिन्छ ।

यतिबेला अमेरिकाले रुसी विमानका लागि आफ्नो एयरस्पेस पनि बन्द गरिदिएको छ जसका कारण कुनै रुसी विमान अमेरिका जान पनि पाउँदैनन् । पुटिनले अहिलेसम्म यसको जवाफ दिएका छैनन् । यदि जवाफमा पुटिनले अमेरिकी विमानका लागि रुसी एयसस्पेस बन्द गरिदिए भने रुस छाडेर जान चाहेका अमेरिकी नागरिक संकटमा पर्नेछन् । *अन्य अनलाइनबाट साभार ।