आज:  | Tue, 28, Jun, 2022

फागुन २० गतेदेखी वडाबाट मतदाता नामावली सच्याउन पाइने

१७ फाल्गुन २०७८, मंगलवार १०:०३ मा प्रकाशित (3 महिना अघि)
पुनहिल संवाददाता

निर्वाचन आयोगले स्थानीय तहको निर्वाचनमा भाग लिने मतदाताको विवरणमा दाबीविरोधका लागि हरेक स्थानीय तहमा पठाएको छ ।

जिल्लाका सवै स्थानीय तहमा फागुन २० देखी २४ गतेसम्म मृत्यु भइसकेका, बसाइँ सरेका व्यक्तिको नाम हटाउने, कुनै व्यक्तिको दोहोरो नाम परे, उमेर, थर फरक परेकाे भए वडा कार्यालयबाट सच्याउन सकिनेछ । यसअघि निर्वाचन कार्यालयमै गएर सच्याउनुपर्ने बाध्यता थियो । मतदाता परिचयपत्र हराएको व्यक्तिले शुक्रबारसम्म निवेदन दिन सक्ने आयोगले जनाएको छ ।

अायाेग जिल्ला कार्यालयका अनुसार  फागुन २२ गतेसम्म मतदाता अाफै वा परिवारका सदस्यले वडा कार्यालयमा गै प्रमुख नाम दर्ता अधकारीसमक्ष गै नाम, थर सच्याउने, २३ गते मृत्यु भएका वा नागरिकता त्यागेका वा वसाइ सराइ गरेका मतदाता उपर दावी विराेध दर्ता गर्ने र २५ गते दावी विराेध अनुसार स्थानीय पञ्जिकाधिकारीबाट विवरण भिडाइ २५ गते नाम दर्ता अधिकारीले मतदाता नामावली सच्याउने कार्यक्रम छ ।

‘आयोगमा रहेको मतदाता नामावलीमा त्रुटि हुन सक्ने भएकाले सच्याउन वडास्तरमा टाँस्न पठाइसकेका छौँ,’ आयोगका जिल्ला कार्यालयका सूचना अधिकारी सन्देश थापाले भने, ‘वडाबाट दाबीविरोधसहितको विवरण आएपछि आयोगले सच्याउनेछ । अनि मात्रै अन्तिम मतदाता नामावली तयार हुन्छ ।’