७५ प्रतिशत छात्राले पढ्ने म्याग्दी क्याम्पसमा पुरूष मात्र संञ्चालक चयन

म्याग्दी क्याम्पसकाे २० औं क्याम्पस सभा तथा ११ औं अधिवेशनबाट १२ जना पुरूषा सदस्यहरू चयन गरेकाे छ । दलहरू विच भागवण्डा मिलेपछि सदस्यहरूले मनाेनयन दर्ता गरेका थिए ।

७५ प्रतिशतबढी छात्रा (महिला)हरू विद्यार्थीहरू अध्ययनरत म्याग्दी क्याम्पसमा चयन भएका सवै संञ्चालकहरू भने पुरूष मात्र छन । नेपालकाे संविधानले हरेक संस्थामा ३३ प्रतिशत महिला आरक्षण अनिवार्य गरेकाे छ । संविधानसँग बाझिएका कानुन स्वत वदर हुने ब्यवस्था भएपनि म्याग्दी क्याम्पस र म्याग्दीका राजनैतिक दलहरूले पदकालागी निर्लज्ज पुरूषहरू मात्र सदस्य छानेका थिए ।

क्यूएए सर्टिफाइ क्याम्पस भनी दावा गर्ने क्याम्पसले संविधानकाे मर्म विपरित महिलालाइ पन्छ्याउनु असाेभनीय भएकाे अधिवेशनका एक सहभागीले बताए ।  

म्याग्दी क्याम्पस संञ्चालक समितिमा एमाले र काँग्रेसबाट चार–चार जना, माओवादी केन्द्रबाट तीन जना र नेकपा एसबाट एक जनागरी १२ जना सदस्यहरुको नाम टुङ्गो लगाएका हुन । नेकपा एसलाई माओवादी कोटाबाट समितिमा भित्राईएको बैठकमा सहभागी एक सदस्यले बताए । 

उनका अनुसार एमालेबाट राजकुमार थापा, सन्तोष रावल, दीपक कार्की, किरण सापकोटा, काँग्रेसबाट दीपेन्द्र श्रेष्ठ, मीनबहादुर कार्की, अजयमिलन श्रेष्ठ, ज्ञानेन्द्र श्रेष्ठ, माओवादी केन्द्रबाट सोमनाथ ढुङ्गाना, शेरबहादुर केसी, कृष्ण थापा र नेकपा एसबाट देउप्रसाद छन्त्याल संञ्चालक समितिमा छनौट भएका हुन ।
छनौट भएका १२ जनामध्य माओवादीका सोमनाथ ढुङ्गाना अध्यक्ष, काँग्रेसका दीपेन्द्र श्रेष्ठ उपाध्यक्ष र एमालेका राजकुमार थापा कोषाध्यक्ष रहने गरी त्रिभुवन विश्वविद्यालयमा स्वीकृतीकालागी नाम पठाउने पनि सहमति भएको छ । संञ्चालक समितिको अध्यक्ष समेत तीन जना पदाधिकारीमा एमाले, काँग्रेस र माओवादी केन्द्र विच आलोपालो नेतृत्व गर्ने परम्परा छ ।