म्याग्दीमा औषतबढी कुष्ठरोगी, हात्तिपाईले, स्क्रवटाइफस र डेङ्गुलाइ पनि उपेक्षा नगराैं

सरकारले कुष्ठरोग निवारण भएको घोषणा गरेपनि जिल्लामा औषतबढी कोष्ठरोगी फेला परेका छन ।
स्वास्थ्य कार्यालयको ०७८ पुस मसान्तसम्म जिल्लामा ९ जना कुष्ठरोगीले नियमित बहुऔषधी सेवन गरिरहेका छन । नियमित औषधी सेवन गरिरहेका ९ जना कुष्ठरोगीमध्य पछिल्लो ६ महिनामा ६ जना नयाँ पत्ता लागेका हुन । बाँकी अघिल्लो वर्ष पत्ता लागेका हुन ।
स्वासथ्य कार्यालयका अनुसार जिल्लामा प्रति १० हजारमध्य १.१८ जनामा कुष्ठरोग देखिने गरेको छ । नेपालमा सवैभन्दाबढी कुष्ठ रोग भएका ७ वटा जिल्लामध्य म्याग्दी पनि एक हो ।
सरकारले ०६६ माघ ५ गते देशबाट कुष्ठरोग निवारण भएको घोषणा गरेको थियो ।
‘कुष्ठरोग निवारण गर्दा तोकिएको राष्ट्रय मापदण्डभन्दा बढी कुष्ठरोगी म्याग्दीमा फेला परेका छन’ कुष्ठरोग दिवसको अवसरमा आयोजित पत्रकार अन्र्तक्रियामा स्वास्थ्य कार्यालय प्रमुख एकनारायण लम्सालले भने, ‘पहिचान भएका सवै कुष्ठरोगीले बहुऔषधी सेवन गरिरहेका छन । रोग सर्नबाट रोक्न रोगीका परिवारका सदस्यहरुलाई पनि औषधी खुवाईएको छ ।’

त्यसैगरी जिल्लामा हात्तिपाईले, स्क्रवटाइफस र डेङ्गु समेतका उपेक्षित रोगहरु पनि वर्षेनी बढ्दै गैरहेका छन ।
हात्तिपाईले, स्क्रवटाइफस र डेङ्गु आदी रोग नियन्त्रण गर्न सर्वसाधारण मात्र होईन, स्थानीय देखी संघिय सरकारले पनि उपेक्षित गरिरहेको छ । सवैले उपेक्षा गर्ने गरेको तर निक्कै कष्टकर रोगलाई पछिल्लो समय उपेक्षित रोग भनेर सम्बोधन गर्न थालिएको छ ।
हात्तिपाईले र डेङ्गु छुट्टाछुट्टै प्रजातिका लामखुट्टेले संक्रमित मान्छेबाट निरोगी मान्छेलाई टोक्दा सर्छ । स्क्रवटाफस भने वनजंगलमा पाईने एक प्रकारको किर्नाले मानिसलाई टोक्दा लाग्ने रोग हो । समयमै र सही उपचार हुन नसके स्क्रवटाइफस र डेङ्गुबाट विरामीको मृत्यु समेत हुक्ने श्वास्थ्य कार्यालयले जनाएको छ ।