आज:  | Thu, 19, May, 2022

जेसीज कपको उपाधी न्यु वेष्ट प्वाईन्टलाइ

२६ मंसिर २०७८, आईतवार १८:२१ मा प्रकाशित (5 महिना अघि)
पुनहिल संवाददाता

अाइतवार बेनीमा सम्पन्न १९ औँ संस्करणको नमस्ते ट्रेड होटल याक जेसीज कप न्यू वेष्टप्वाइन्ट अावसिय माध्यामिक विद्यालयले उचालेकाे छ । याे सँगै न्यु वेष्ट प्वाईन्टले लगातार चार पटक जेसिज कपको उपाधी आफ्नो पोल्टामा पार्न सफल भएको छ ।

फाईनल खेलमा बुद्ध एकेडेमीलाई शुन्यका विरुद्ध चारकाे फराकिलाे गाेल अन्तरले पराजित गर्दै न्यु वेष्ट प्वाईन्ट विजेता बनेकाे हाे ।  ‘खेलाडीको प्रतिभा प्रस्फुटनमा हाम्रो पहल–जेसीजकप फुटवल’ भन्ने मूल नारासंगै संचालित १९ औँ संस्करणको जेसीज कपमा बिजेता न्यु वेष्ट प्वाईन्टले जेसीजकप रनिङ शिल्ड, ट्रफि, मेडल र प्रमाणपत्र सहित नगद ५२ हजार २२२ र उपबिजेता बुद्ध एकेडेमीले ट्रफि, मेडल र प्रमाणपत्रको साथमा नगद ३२ हजार २२२ पुरस्कार हात पारे।

प्रतियोगितामा विजेता न्यु वेष्ट प्वाईन्टका अमृत तामाङ उतकृष्ट खेलाडी, न्यु वेष्ट प्वाईन्टका अमृत तामाङ र लकुस पुन सर्वाधिक गोलकता बनेका छन् । दुवैले समान ५/५ गोल गरेका थिए ।

त्यस्तै म्याग्दी एकेडेमी सिगांका सज्जन किसान उतृकष्ट गोलरक्षक, बुद्ध एकेडेमीका रविन तामाङ उतकृष्ट डिफेन्डर, बुद्ध एकेडेमीकै निराजन पुन उतकृष्ट स्टाइकर, केवी एकेडेमी दरवाङका खगेन पुन उतकृष्ट मिडपिल्डर, वेष्ट प्वाईन्टका सुमन थापा राईजिङ प्लेयर र उतृकष्ट कोच न्यु वेष्ट प्वाईन्टका दिपेन राई बने ।

उत्कृष्ट खेलाडी, गोलरक्षक, डिफेन्डर, स्ट्राइकर, मिडफिल्डर, प्रशिक्षक, सर्वाधिक गोलकर्ता तथा राईजिङ प्लेयरलाई विभिन्न अवार्डबाट नगद २ हजार ५ सयको साथमा ट्रफि, मेडल र प्रमाणपत्र सहित पुरस्कृत हुने छन । अनुशासित टिमलाई नगद ७ हजार ७ सय ७७ को साथमा ट्रफि, मेडल र प्रमाणपत्र प्रदान गरिएकाे संयोजक म्याग्दी जेसिजले जनाएकाे छ ।