विप्लव माओवादीको धम्कीप्रति पत्रकार महासंघको ध्यानाकर्षण

नेपाल पत्रकार महासंघ म्याग्दी शाखाले कार्यालय ब्यवस्थापनमा भएको अबरोध र पत्रकारहरुलाई दिइएको धम्कीप्रति ध्यानाकर्षण भएको जनाएको छ ।

बेनी नगरपालिकाले भाडामा उपलब्ध गराएको जग्गामा कार्यालय ब्यवस्थापनका लागि सहजिकरण गरिदिन अनुरोध सहित पत्राचार गरिएको बिषयमा समाचार प्रकाशन प्रशारण गरेको भन्दै शाखाका अध्यक्ष प्रकाश पौडेल र सदस्य कृष्ण जिसी सञ्चालक रहेको जलजला अनलाइनको नाम किटान गरी आक्षेपयुक्त र आपत्तिजनक शब्दावली प्रयोग गरेर ‘नेपाल कम्युनिष्ट पार्टी, म्याग्दी’ का जिल्ला सेक्रेटरी ‘दिपा’ को नामबाट बिहिबार बिहान बिज्ञप्ति सार्वजनिक भएको थियो ।

‘खुल्ला राजनीतिमा आएको दलका जिम्मेवार नेताले सञ्चार माध्यममा प्रकाशन, प्रशारण भएका समाचारका बिषयमा चित्त नबुझे सञ्चार माध्यमबाटनै खण्डन गर्ने र कानुनी उपचार खोज्नुको बिकल्प सवै पत्रकारलाई आक्षेप लगाउादै धम्काउन खोज्नु प्रेस र अभिब्यक्ति स्वतन्त्रताको संबैधानिक अधिकारमाथि प्रहार भएको महशुस गरेका छौ,’ शाखा सचिब सन्तोष गौतमद्धारा बिहिबार जारी बिज्ञप्तिमा भनिएको छ ‘स्वतन्त्र रुपमा समाचार संकलन र सम्प्रेषण गर्ने वातावरण बनाउन, अभिब्यक्ति तथा प्रेस स्वतन्त्रताको ग्यारेन्टि र सुरक्षाको प्रत्याभुति दिलाउन सम्बद्ध पक्षसाग माग गर्दछौ ।’
पत्रकार महासंघ म्याग्दी शाखाले विप्लव माओवादीको धम्कीपूर्ण पत्रकारमाथी लगाइएको आपेक्षको खण्डन गर्दै भ्रममा नपर्न अनुरोध गरेको छ ।

बेनी नगरपालिकाको नाममा रहेको १४१९ कित्ता नम्बरको ४ आना जग्गा र सो जग्गामा रहेको भवनसमेत बार्षिक १० हजार तिर्ने गरी २०७६ पुष ३ गते नगरपालिकाको तर्फबाट तत्कालीन प्रमुख प्रशासकीय अधिकृत हरिप्रसाद शर्मा र पत्रकार महासंघ म्याग्दीको तर्फबाट पुर्ब अध्यक्ष तारानाथ शर्मा बिच हस्ताक्षर गरि १० वर्षकोलागी भाडा सम्झौता भएको थियो ।

साम्झौता अनुसार असार २७ गते १४०६ नम्बरको रसिदबाट नगरपालिकालाई दुई बर्षको भाडा वापत रु. २०,००० उपलब्ध भुक्तानी गरेको पनि महाासघले जनाएको छ । उक्त भवनमा पत्रकार महाासघको कार्यालय प्रयोजनकालागी अस्थाई भवन बनाउन गण्डकी प्रदेश सरकारले चालु आर्थिक बर्ष २०७८/७९ मा रु. दश लाख बजेट बिनियोजन गरेको छ ।