चिसोसँगै प्रदूषण बढ्दैछ, सतर्क रहौँ

मौसम पूर्वानुमान महाशाखाले चिसो बढ्दै गएकाले सतर्क रहन आग्रह गरेको छ । 

सोमबार न्यूज एजेन्सी नेपालसँगको कुराकानीका क्रममा महाशाखाका वरिष्ठ मौसमविद् वरुण पौडेलले जाडो मौसम शुरु भएसँगै चिसो बढ्दै गएकाले चिसोबाट बच्न सतर्क रहनुपर्ने बताए।

उनले गत १० दिनको तापक्रम हेर्दा देशभर चिसो बढ्दै गएको बताए। उनले कात्तिक महिनामा नै जुम्लाको तापक्रम माइनस एक डिग्री सेल्सियस पुगेको जानकारी दिए। 

‘कात्तिक महिनामै यति चिसो हुँदै जाँदा आगामी दिनहरुमा थप चिसो बढ्दै जान्छ, हामी जाडो याममा प्रवेश गर्दैछौं, यो क्रम बढ्दै जान्छ तर अहिले नै यतिसम्म चिसो जान्छ भनेर भन्न सकिँदैन, क्रमिक रुपमा जाडो बढ्दै जान्छ’, वरिष्ठ मौसमविद् पौडेलले भने ।’

वरिष्ठ मौसमविद् पौडेलले प्रदूषणबाट बच्न स्थानीय, प्रदेश र केन्द्र सरकारले अहिलेदेखि नै तयारीमा लागेर जनधनको क्षति हुन नदिनेतर्फ लाग्नुपर्ने बताए। उनले जाडोलाई मध्यनजर गर्दै त्यसबाट बच्नका लागि सरकारले तयारी थाल्नु पर्ने बताए।

पौडेलले जाडो याममा बढी नै प्रदूषण हुने भन्दै घरबाट ननिस्किन, मर्निङ वाकमा नजान र बालबालिका, वृद्धवृद्धालाई चिसोबाट बचाउने उपायहरु अपनाउन जोड दिए।