युनिक बचत तथा ऋण सहकारीको १५ औं साधारणसभा सम्पन्न

सदरमुकाम बेनीको क्याम्पसचोकमा मुख्य कार्यालय रहेको युनिक वचत तथा ऋण सहकारी संस्था लिमिटेडको १५ औं वार्षिक साधारण सभा शनिवार सम्पन्न भएको छ । जिल्ला सहकारी संघका अध्यक्ष दीपक कार्कीले एक कार्यक्रम विच उद्घाटन गरेका थिए ।
पर्वतको जलजला गाउँपालिका, ५ स्थित गिद्धेश्वर कृषी सहकारीलाई आफुसँग एकिकरण गरेको युनिक बचत तथा ऋण सहकारी संस्था लि.को १ करोड ३० लाख २४ हजार ६ सय शेयर पुँजी रहेको छ । गत वर्ष संस्थाले ५ करोड ३६ लाख ८९ हजार ४ सय ९३ रुपैयाँ निक्षेप र ४ करोड १३ लाख २५ हजार ४ सय दुई रुपैयाँ ऋण लगानी गरेको जनाएको छ ।
संस्थाले गत आवमा कुल आम्दानीबाट जगेडाकोष, प्रशासनिक खर्च र ब्याज भुक्तानीगरी ८ लाख ६९ हजार ९९ खुद नाफा आर्जन गरेको कोषाध्यक्ष हिराबहादुर बरुवालले प्रस्तुत गरेको आर्थिक प्रतिवेदनमा उल्लेख छ । सहकारीले गत आवमा वर्ष १ हजार ३ सय ८१ जना निस्कृत सदस्यको शेयर फिर्ता गरी ४ सय २५ जना सकृय शेयर सदस्य मात्र कायम राखेको पनि जनाएको छ ।