बेनीमा विहिवार सम्पन्न म्याग्दी प्रवासी नेपाली संघ (मोना)को अन्र्तराष्ट्रिय कार्यकारी समितिको चौंथो महाधिवेशनबाट दुर्गम गुर्जा पुख्यौली थलो भै हाल अमेरिकाका बसोबास रहेका अमर छन्त्याल निर्वाचित भएका छन ।
मोनाको नयाँ नेतृत्वकालागी उम्मेदवारी दर्ता गराएका दावेदारहरु मीम पुर्जा (न्युजिल्याण्ड), विक्रम कार्की (कतार)ले उम्मेदवारी फिर्ता गरेपछि छन्त्याल निर्विरोध भएका हुन । पुर्जा र कार्कीलाई उम्मेदवारी फिर्ता गराउन चर्को दवावसहित अधिवेशन एक दिन पछि धकेलिएको थियो ।
मोनाको बरिष्ठ उपाध्यक्षमा दधिवल खड्का (जापान) निर्विरोध चयन भएको छन । त्यसैगरी उपाध्यक्षत्रयमा सूर्य भट्टचन (पोर्चुगल), जंगबहादुर पुन (युके) र नन्द गर्वुजा (युएई) सर्वसम्मत चयन भएका छन । महिला उपाध्यक्षमा पूर्णिमा पाईजा (हङकङ) चयन भएकी छिन ।
त्यसैगरी महासचिवमा हरी राम्जाली (अष्ट्रेलिया), सचिवमा सुनेस केसी (दक्षिण कोरिया), विष्णु बरुवाल (आउदी अरव), प्रवक्तामा हिक्मत श्रेष्ठ (अष्ट्रेलिया), कोषाध्यक्ष महेन्द्र खड्का (जापान),सहकोषाध्यक्षमा भक्त रोका (युके) चयन भएका छन ।
त्यस्तै महिला संयोजकमा अनुसा थापा (स्पेन), मध्यपूर्व क्षेत्रिय संयोजक तिलक पुन (साउदी अरव), अमेरिका अमर भण्डारी, एशियाबाट दीपक कार्की, अष्ट्रेलिया र युरोपबाट क्षेत्रिय संयोजक रिक्त रहेको छ । विष्णु बानियाँ (जापान), दीपक छन्त्याल मध्यपूर्व उपसंयोजक, भीम रेग्मी अमेरिका र प्रेम पुन (जापान) निर्वाचित भएका छन ।
