मगर जातीबाट छुट्टीए पुनहरु, अव पुन छुट्टै जाती, धर्म कर्पाकेली

खामभाषी मगर जाती मान्दै आएका यहाँका पुनहरुले आफुहरुलाई छुट्टै जाती दावी गरेका छन ।
गण्डकी प्रदेशरमा रहेका पुनहरुले भदौ ३० गतेबाट सुरु भएको १२ औं राष्ट्रिय जनगणनामा घर–घर आउने सुपरिवेक्षक र गणकलाई आफ्नो थरमा अहिले लेख्दै आएको थर (गर्वुजा, पाईजा, तिलिजा, शेर्वुजा, सेरपुजा, फगामी, पहरे, पुर्जा, चोचाङ्गी ….आदी) लेख्ने, जातीमा पुन, भाषामा पुन भाषा र धर्म कर्पाकेली लेख्ने भएका हुन ।

पोखरामा केन्द्रीय कार्यालय रहेको पुन समाज नेपालले विहिवार विज्ञप्ती प्रकाशित गरी सम्पूर्ण पुनहरुलाई मगरजातीबाट अलग्याएर जातिमा पुन, भाषामा पुन भाषा र कर्पाकेली धर्म लेख्न आह्वान गरेको हो । विज्ञप्तीमा पुन समाजका महासचिव खिमन शेरपुजा पुनले हस्ताक्षर गरेका छन ।
करिव एक दशक देखी गण्डकी प्रदेशका पुनहरुले आफुहरुलाई मगर समाजबाट अलग्गै बनाउँदै आफुहरु मगर नभएको दावी गर्दै आएका छन । यहाँका केही पुनहरुले भने जनै धारण गर्ने गरेका छन ।
यहाँका पुनहरुले केही वर्ष अघिदेखी म्याग्दीको अन्नपूर्ण गाउँपालिका, ८ काफलडाँडामा निर्मित कर्पाकेली देवताको थान स्थापना गरी सोही अनुसारको पुजाअर्चना गर्दै आएका छन । पुनहरुले कुलधर्म केर्पाकेली, हिमला र फिमला तथा छोराहरु रामचन र कुलचनका मूर्ति राखिएका छन । रामचनलाई नौ सिङ्गे (कुखुराको भाले) र कान्छा कुलचनलाई दुई सिङ्गे हाँसेगोरे (सेतो भेडा)को वली दिई पुज्ने गर्छन ।