जुवाको खालबाट ७ जना महिला सहित १३ जना पक्राउ

२८ श्रावण २०७८, बिहीबार २१:१३ मा प्रकाशित (3 महिना अघि)
पुनहिल संवाददाता
पोखरामा जुवाको खालबाट ७ जना महिला सहित १३ जनालाई प्रहरीले पक्राउ गरेको छ । पोखरा महानगरपालिका १० उत्तमचोकमा भाडामा बस्दै आएकी सरु गुरुङले तास खेलाइरहेको अवस्थामा १३ जनालाइ वडा प्रहरी कार्यालय रामवजारको टोलीले पक्राउ गरेको हो । पक्राउ पर्ने मध्य ७ जना महिला रहेका छन् भने, ६ जना पुरुष रहेका छन् । उनीहरुको साथबाट नगद ३ लाख ५१ हजार ५ सय ४० रुपैँया र तास बरामद भएको वडा प्रहरी कार्यालयले जनाएको छ ।