म्याग्दीका १५ वडा अझै कोरोना संक्रमणको ‘रेड जोन’ मा

बुधवरा म्याग्दीमा १९ जना कोरोना संक्रमित थपिएका छन । यो संगै सक्रिय संक्रमितको संख्या १ सय ६३ रहेको छ ।
स्वास्थ्य कार्यालयको अभिलेख अनुसार जिल्लाका एक नगरपालिका समेत ६ वटा स्थानीय तहका ४५ वडामध्य १५ वटा वडा अझै कोरोना संक्रमणको रेड जोनमा रहेका छन । १३ वडा एल्लोमा र १७ वटा वडा भने ग्रीन जोनमा रहेका छन ।
स्वास्थ्य कार्यालयका अनुसार बेनी नगरपालिका, ५ रेड जोनमा बाँकी ९ वटा वडा एल्लो जोनमा रहेका छन । त्यसैगरी उत्तरको अन्नपूर्ण गाउँपालिकाको ३, ४ र ६ वडा रेडजोनमा परेका छन । २, ७ र ८ एल्लोमा तथा १ र ५ वडा ग्रीनजोनमा परेका छन ।
रघुगंगा गापाको २ र ३ वड रेड जोनमा परेका छन । ५ नम्बर वडा एल्लो जोनमा र बाँकी ग्रीनजोनमा परेका छन ।
मंगला गापा पुरै रेडजोनमा परेको छ । मालिका गापाको १ नम्बर वडा एल्लो जोनमा बाहेक सवै वडा ग्रीन जोनमा छन । दुर्गम धवलागिरी गापाको ७ नम्बर वडा एल्लोबाहेक सवै वडा ग्रीन जोनमा रहेका छन ।
‘कृषकको ब्यस्तताको कारण एन्टीजिन र पिसिआर परिक्षण घटेको पनि हुनसक्छ, संक्रमण घटेको पनि हुन सक्छ’ स्वास्थ्य कार्यालयका प्रमुख एकनारायण लम्सालले भने, ‘गम्भीर खालका संक्रमणको रेसियो भने घटेको छ । मृत्यु दर पनि घटेको छ ।’
त्यसैविच स्वास्थ्य कार्यालयले आगामी असार २७ गते ६२–६४ बर्ष उमेर समुहका नागरिकलाई भेरोशिल्ड खोप लगाउने भएको छ ।