शनिवार म्याग्दीमा ३३ जना संक्रमित थपिए

म्याग्दीमा शनिवार ३३ जना कोरोना संक्रमित थपिएका छन ।
स्वास्थ्य कार्यालयका अनुसार शनिवार सर्वाधिक धेरै मंगला गाउँपालिकामा २८ जना, रघुगंगामा १ जना र अन्नपूर्ण गापामा ४ जनामा एन्टीजिन विधीबाट कोरोना संक्रमण देखिएको हो । एक सातामा संक्रमितको संख्या भन्दा शनिवार थपिएको संक्रमणको यो अत्यधिक संख्या हो ।

स्वास्थ्य कार्यालयको तथ्याङ्क अनुसार हिजो शुक्रवार १३ जना, विहिवार १ जना, बुधवार ८ जना मंगलवार १० जनामा संक्रमण देखिएको थियो ।
धान रोपाई, कोदो रोपाई समेत खेतीवाली लगाउने र लेकाली वस्तीमा आलुवाली थन्काउने समेतका कषी कर्म गर्दा र मनसुनजन्य विपदका वेला पनि संक्रामक महामारी कोरोना भाईरस संक्रमणबाट जोगिन स्वास्थ्य सुरक्षा मापदण्ड पालना गर्न र संक्रमितले आईसोलेसनमा रहन जरुरी रहेको स्वास्थ्य कार्यालयले जनाएको छ ।