मौषममा सुधार आएसँगै बेनी–जोमसोम सडक पहिलो प्याकेजमा धमाधम कालोपत्रे

गण्डकी प्रदेशको ‘लाईफलाईन’ मानिएको उत्तर–दक्षिण अन्तरदेशिय ब्यापार मार्ग बेनी–जोमसोम सडकको पहिलो प्याकेजमा पनि कालोपत्रे गर्न थालिएको छ ।
बेनी–जोमसोम सडकको म्याग्दी क्षेत्रमा पर्ने सुरु खण्डको गलेश्वर–बेगखोला (कुनौटो) ७ किलोमिटर सडक विडिएसडी प्रविधीको कालोपत्रे गर्न थालिएको ठेकदार कम्पनी ओमकारेस्वर कन्ट्रक्सनले जनाएको छ । बेनी–जोमसोम सडकको म्याग्दी खण्डमा गरिएको यो पहिलो कालोपत्रे हो ।

‘बेनी–जोमसोम सडकको पहिलो प्याकेजको पनि सुरु खण्डमा कालोपत्रे सुरु गरेका छौं । मौषमले साथ दिए जेठ भित्र कालोपत्रे गरी, मार्किङ समेतका काम सक्छौं’ ठेकदार कम्पनीका संञ्चालक अमृत दहालल भने, ‘एक किमी सडकमा पहिलो कोटको २० डाउन गिटी विच्छाएपछि मौषम विग्रेकोले रोकिएका छौं । मौषममा सुधार भए जेठ भित्र दोस्रो कोटको ७ डाउन गिटी विच्छाउने र सडकमा मार्किङ्ग सक्छौं ।’

०७६ मंसिरमा ७ मिटर पीच सहित ११ मिटर चौडा स्तरमा सम्पन्न भै सक्नु पर्ने बेनी–जोमसोम सकड दुई वर्षपछि वल्न कालोपत्रे सुरु भएको हो । पहिलो प्याकेजको मुख्य ठेकदार शर्मा–युनाईटेड जेभीले निर्धारित समयमा काम गर्न नसकपछि सव कन्ट्याक्टरको रुपमा ओमकारेस्वर कन्ट्रक्सन हेटौडाले पेटी ठेक्का लिएको थियो ।
‘हामी यो सडकको आईपिएस नवौं रनिङ्ग वीलबाट मात्र जोडिएका हौं । लकडाउन र गत मनसुनमा भएको अतिभारी वर्षाले गर्दा काममा केही विलम्ब भएपनि निर्धारित समयमै सडक बुझाउने तर्खरमा छौं’ ओमकारेश्वरका संञ्चालक दहालले भने, ‘हामीले जिम्मा लिएको करिव ९ किमी सडकमध्य राहुघाट जलविुधत आयोजनाको पावरहाउस क्षेत्र र पहिलोग्रस्त क्षेत्रका २ किमी सडकमा ग्राभेल मात्र गर्ने भएकोले ७ किमी मात्र पीच गर्न लागेका हौं ।’

कालीगण्डकी करिडोर बेनी–जोमसोम–कोरोला सडक आयोजनाले यो सडकको कामलाई तीव्रता दिन र ठेकदारलाई हौसला दिन कामको वीलका आधारमा भुक्तानी दिनेगरी ब्यवस्था मिलाईएको जनाएको छ ।
सडक आयोजनाले पटक–पटक म्याद थप्ने र कामको आधारमा द्रुत भुक्तानी ब्यवस्था मिलाएको भएपनी पहिलो प्याकेजको मुख्य जोईन्ट ठेकदार युनाईटेड कम्पनीले सन्तोष जनक काम गर्न सकेको छैन । सडक निर्माणमा निषेधज्ञाले यातायात संञ्चालन रोकिनु राम्रो अवसर भएपनि यहाँका निर्माण ब्यवसायीले भने लाभ लिन सकेका छैनन ।
बेनी–जोमसोम ७६ किमीलाई ४ प्याकेज मध्य पहिलो प्याकेज म्याग्दी क्षेत्रको गलेश्वर–तातोपानी, दोस्रो प्याकेज तातोपानी–घाँसा, तेस्रो प्याकेज मुस्ताङको घाँसा–कोवाङ र चौंथो प्याकेज कोवाङ–जोमसोम खण्डमा सडक विस्तार, उन्नत र कालोपत्रे गर्ने कार्यक्रम भैरहेको छ ।
पहिलो र दोस्रो प्याकेजको काम सुस्त छ । यो क्षेत्र बेनी जोमसोम सडक मध्य सवै भन्दा कठिन भीरपहरा भएको र पहिरो जोखिम क्षेत्र पनि हो । यही खण्डमा ठेकदारले अधकल्चो काम गर्दा खेतियोग्य क्षेत्र र वस्ती पहिरोले क्षती पुऱ्याएको छ ।

ns8fpgdf a]gL–hf]d;f]d ;8s wdfwd sfnf]kq] M a]gL–hf]d;f]d ;8ssf] DofUbL IF]qdf kg]{ ;’? v08sf] un]Zj/–a]uvf]nf -s’gf}6f]_ & lsnf]ld6/ ;8s ljl8P;8L k|ljwLsf] sfnf]kq] ul/b} . a]gL–hf]d;f]d ;8ssf] DofUbL v08df ul/Psf] of] klxnf] sfnf]kq] xf] . of] ;8ssf] t];|f] Kofs]hdf klg !^ lsdL ;8s sfnf]kq e}/x]sf] 5 . t:jL/ M 3gZofd v8sf÷sflGtk’/

‘बेनी–जोमसोम सडकको पहिलो प्याकेजको सुरु खण्डको ९ किमी सडकमा कालोपत्रे भैरहँदा पनि वल्न ६० प्रतिशत मात्र प्रगति देखिन्छ’ आयोजनाका पहिलो प्याकेज हेर्ने फिल्ड इन्जिनियर आषिश मानन्धरले भने, ‘यो प्याकेजमा वल पूर्वक कामलाई घिसारी रहेका छौं । अर्को वर्षसम्म पीच होला ।’
बेनी–जोमसोम सडकको तेस्रो प्याकेज अन्र्तगत मुस्ताङको कोवाङदेखी तल कैकुखोलासम्मको १६ किमी क्षेत्रमा पनि धमाधम कालोपत्रे भैरहेको छ । जेठसम्म यो खण्डमा कालोपत्रे सकिने निर्माण ब्यवसायी जगुरमुखी कन्ट्रक्सनका दीपक गौतमले बताए ।
बेनी–तातोपानीसम्म शर्मा/युनाईटेड जेवि कम्पनीले, दोस्रो र तेस्रो प्याकेजमा शर्मा/गजुरमुखी जेभिले काम गरिरहेका छन । पहिलो प्याकेजको भीरकाटे र तातोपानी क्षेत्रका भीरमा विष्फोटन नगरी मापदण्ड अनुसार सडक फराकिलो बनाउन संभव नभएकोले काम भएको छैन ।
बेनी–जोमसोम–कोरला १ सय ८६ किलोमिटर सडकमध्य बेनी–जोमसोम ७६ किमीलाई ४ प्याकेज र जोमसोम–कोरला एक सय १० किमी सडकलाई ११ प्याकेजमा सडक विस्तार एवं उन्नत गर्न ठेक्का गर्ने काम भैरहेको छ ।