राष्ट्रपति भण्डारीद्वारा नयाँ सरकार गठनका लागि आव्हान

राष्ट्रपति विद्यादेवी भण्डारीले एक दिनको समय दिएर नयाँ सरकार गठनका लागि आव्हान गरेकी छन्।

विहीबार अबेर सूचना प्रकाशित गर्दै राष्ट्रपति भण्डारीले संविधानको धारा ७६ को उपधारा ५ बमोजिम सरकार गठनका लागि प्रतिनिधिसभाका सदस्यहरुलाई आव्हान गरेकी हुन्।

प्रधानमन्त्री केपी शर्मा ओलीले संविधान बमोजिम ३० दिन भित्र विश्वासको मत लिनुपर्नेमा विश्वासको मत पाउने अवस्था नदेखिएकाले धारा ७६ को उपधारा ५ बमोजिम सरकर गठनको प्रक्रिया शुरु गर्न भनेअनुसार राष्ट्रपतिले नयाँ सरकार गठनको प्रक्रिया शुरु गरेकी हुन्। शुक्रबार साँझ ५ बजेसम्मको समय दिइएको छ।