पत्रकार महासघ म्याग्दीको अध्यक्षमा प्रेस चाैतारीका प्रकाश पौडेल विजयी

नेपाल पत्रकार महासघ म्याग्दी शाखाको २६ औं अधिवेशनबाट प्रेस चौतारीका प्रकाश पौडेल ३० मतसहित विजय भएका छन ।
उनका निकटतम प्रतिद्धन्द्धी संयुक्त प्यानलका ठाकुर आचार्यले २७ मत प्राप्त गरे । अध्यक्षयमा एक मत वदर भएकाे छ । ६२ मतदाता मध्य ५८ मत खसेको थियाे ।
त्यसैगरी महिला उपाध्यक्षमा प्रेस चौतारीका रुद्रकुमारी खत्री, र संयुक्त प्यानलका हरीकृष्ण गौतम, सचिवमा प्यानलका सन्तोष गौतम, सहसचिवमा चौतारीका प्रमोद शर्मा र प्यानलका साधन राम्जाली विजयी भएका छन । कोषध्यक्षमा चौतारीका दलबहादुर (अमित) विक निर्वाचित भएका छन ।
त्यसैगरी सदस्यहरुमा प्यानलका पदम विश्वकर्मा, कमल खत्री, सन्दीप खत्री र चौतारीका सन्दीप शर्मा रिजाल, अमृत बास्कुने, कृष्ण जिसी र नजराना सिं ठकुरी विजयी भएका छन । विजयी उम्मेदवारहरुमध्य ३३ भोट सहति लोकप्रीय मत प्राप्त गरेका छन ।
पत्रकार महासघ म्याग्दी शाखाको २६ औं अधिवशनमा प्रधानमन्त्री केपी शर्मा ओली निकट प्रेस चौतारी विरुद्ध नेपाली कााग्रेस निकट प्रेस युनियन, माओवादी केन्द्र निकट प्रेस संगठन र एमाले माधव समुह निकट पत्रकारको संयुक्त प्यानल वीच प्रतिस्पर्धा भएको थियो ।
घोषित निर्वाचन परिणाम अनुसार अध्यक्ष, एक उपाध्यक्ष, कोषाध्यक्ष सहित एमाले निकट प्रेस चौतारीले ८ पदमा विजयी भएको छ । प्रेस युनियनले एउटा उपाध्यक्षमा विजयी भएको छ । प्रेस संगठनले सचिव, ३ सदस्य र एक केन्द्रीय प्रतिनिधी समेत ४ पदसहित सतप्रतिशत सदस्यहरु विजयी गराएको छ । गठवन्धनमा सवैभन्दाबढी सदस्य भएको प्रेस युनियनलाई एक सिटमा र बराबरी हैसिएतको माधव नेपाल निकट पत्रकारलाई शुन्य हैसियतमा सिमित पारेर माओवादी केन्द्र निकट प्रेस संगठनबढी चतुर देखिएको छ ।