बहुमत प्राप्त दलले सरकार बनाउनै पर्ने हाे कि इन्कार गर्न सक्ने हाे?

४ माघ २०७७, आईतवार १९:४८ मा प्रकाशित (1 महिना अघि)
पुनहिल संवाददाता

प्रतिनिधिसभा विघटनविरुद्ध परेका मुद्दामाथि सर्वाेच्च अदालतकाे संवैधानिक इजलासमा जारी छलफलमा निवेदकपक्षबाट बहस गरेका अधिवक्ता भीमार्जुन आचार्यले संविधानले सरकार बनाउने विकल्प दिएकाले कुनै पनि प्रधानमन्त्रीलाई विघटनको अधिकार नभएको बताएका थिए।

त्यसमा प्रधानन्यायाधीशले प्रश्न गरे, “बहुमत प्राप्त दलले सरकार बनाउनै पर्ने हाे कि इन्कार गर्न सक्ने हाे?”

न्यायाधीश सपना प्रधान मल्लले ‘वैकल्पिक सरकारकाे सम्भावना थिएन भने ७६ (७) लाई सामना गर्नुपर्थ्याे कि विघटन?’ भन्ने प्रश्न गरिन्।

संविधानले सरकार गठनको विभिन्न विकल्प दिएकाेले प्रधानमन्त्रीकाे कदम गलत भएकाे अधिवक्ता आचार्यले जिकिर गरे। अधिवक्ता आचार्यले करिब तीन घण्टा बहस गरेका थिए।